လိုရာသုံး ကကြိုးရုပ်

လျှပ်တပျက် မျက်စိတမှိတ်မှာ
မြင်တွေ့ခဲ့လို့ တပ်မက်ခဲ့
သူ့စိတ်ပျော်ရွှင် စေဖို့ရာ
ထောင့်ငါးရာ နဲ့ ဝယ်သုံးခဲ့
ကကြိုးရုပ် ခမျာ
သူ့လက်အတွင်း အပိုင်ရခဲ့

ဒီလိုနဲ့....
သူတယောက်ထဲ ပျင်းနေချိန်မှာ
ကကြိုးရုပ်လေး ချီပွေ့ခဲ့
ချစ်ကြောင်းတွေ သီချွေ ချိန်မှာ
ကကြိုးရုပ်လေး ပျော်ရွှင်ခဲ့

သူအပေါင်းအသင်းနဲ့ ပျော်နေချိန်မှာ
ကကြိုးရုပ်လေး အဝေးလွင့်ခဲ့
ဥပက္ခာပြု နေချိန်တွေ မှာ
ကကြိုးရုပ်လေး ငိုကြွေးခဲ့

ခုတော့.........
အချိန်တွေ ကြာလာလို့ ရာသီတွေပြောင်းလည်းချိန်မှာ
ကကြိုးရုပ် လေး လည်း ဟောင်းလာခဲ့
သူစိတ်တွေလည်းပြောင်းလာခဲ့ပေါ့

လိုရာသုံး ဘဝနဲ့ မြေခ ခဲ့ရတဲ့
နင်းလိုနင်း ခြွေလိုခြွေ စေလိုရာစေခဲ့ ပြီး
အားရအောင်ကစားပြီး ဟောင်းသွားမှ
အဝေးကိုလွင့်ပစ် ဂျောင်ထိုးခံခဲ့ရတဲ့
ကကြိုးရုပ်လို ကျမ ဘဝ လည်း ထပ်တူပါပဲ

အော် ...လိုရာသုံး ကကြိုးရုပ် ပါလားးးးးးးးးးးးးးးး


မောင့် ရဲ့ စံပယ်

ပြခန်းမတင်ဖြစ်ခဲ့သော နှလုံးသားတခု ရဲ့ လွမ်းချင်း

အမှတ်မထင် ဆုံခဲ့ရတဲ့ချစ်သူ

မင်းရဲ့ အသံ ချိုချိုလေးတွေ

စူးရှနက်ရှိုင်း ခဲ့တဲ့ စကားလုံးလေးတွေကြောင့်

မခိုင့်တခိုင် ဖြစ်နေတဲ့ ငါ့နှလုံးသားက

ရင်ခုန်သံတချက်မှာ ယိမ်းနွဲ့လို့ ပါခဲ့ပေါ့

ခဏတာဆိုတဲ့ အချိန်လေးအတွင်းမှာ

မင်းရဲ့အနုအလှ ယုယ မှု့တွေကြောင့်

ရစ်မူးစွာ ဒီနှလုံးသားက

တ်ိတ်တခိုး ချစ်ခဲ့ရသူပါကွယ်

သံယောဇဉ် အခြေမခိုင်သူမို့

အပေါ်ယံ စကားချိုတွေနဲ့

ဒဏ်ယာတွေတော့ မပေးခဲ့ပါနဲ့လား ရှင်ရယ်

ဒါပေမယ့်

မင်းပေးတဲ့ ရင်ခုန်သံလှုပ်ခတ် ခြင်းတွေက

ငါ့အတွက် အမှတ်တရမို့

ရင်တခုလုံး ကွဲသွားပါစေ

မြတ်နိုးစွာ ထာဝရ

မင်းနှလုံးသား မြေမခ ရအောင်

သိမ်းဆည်းထားလိုက်ပါတော့မယ်

ဝေးတနေရာမှ.........ချစ်သူရယ်

မောင် ရဲ့ စံပယ်

နှလုံးသား သစ္စာ

ရင်ခုန်တာ နင် မသိပေမယ့်
နင်သိအောင်လည်း မပြောတော့ပါဘူး
ဝေဒနာ မမြင်မိသူ အတွက်
မြင်မိအောင်လည်း မပြတော့ပါဘူး
ရင်ခုန်သံ မျက်နှာချင်း ဆိုင်ချင်သူမို့
ဗလာကျင်းတဲ့ (နင့်) နှလုံးသားမှာ
မုန်းပွားစရာ အချစ်လည်းမဖြည့်တော့ပါဘူး
လိုအင်ကို အစိမ်းချုပ်
ဆန္ဒကို ရေမှာမျှော
နင်သောသော ရယ်ဖို့ရာ
အစဉ်ရှိ အချစ်တေးတို့
သခင်ဝေးတဲ့ ငါ့ရင်မှာ
ပေးဆပ်ဖို့ရှင်သန်
ဒဏ်ရာတွေ နင်မရအောင်
ခရေ အသွင်နဲ့
မြေပြင်မှာ ဖြန့်ကာကြဲလိုက်မယ်
နှလုံးသားကို လမ်းခင်း
ချစ်သူ...နင်းလို့လျှောက်ပါလေ.........


မောင် ရဲ့ စံပယ်

နယ်နမိတ်

ခေါင်းကိုငုံလျက်၊ အနေခက်လျှင်
အရှက်ပြေလေး ပြုံးသူခင်။
ပြုံးတော့ တစ်သွယ်၊ ရယ်တော့ ခစ်ခစ်
စံပယ်နှစ်လို၊ အပြစ်မစက်
မောင့်ညိုညက်လျှင်
သွားကလေးပေါ်လာမြဲ။
ဘယ်လောက်ဝေးဝေး
အတွေးထဲမှာ
ရင်ထဲမှာလေ
ဝေဒနာကောင်းကင်
ဝေဒနာပင်လယ်
ဒီထက်ကျယ်လို့
ချစ်သူ မင်း ဘယ်မှာပုန်းနိုင်မလဲ.................။


လင်းလက်သူ

အရိုးသားဆုံးဝင်ခံခြင်း

ရာသီပေါင်းများစွာအထိ

ငြိမ်သက်နေတဲ့ ငါ့နှလုံးသား

မင်းနဲ့မှ လှုပ်ရှားခဲ့

လောကရဲ့ စစ်

ဘယ်လိုပဲဖြစ်ဖြစ်

ငါ့နှလုံးသားလေး

ငြင်ငြင်သာသာပါဘဲ

အသံတိတ်ပေါက်ကွဲခြင်းတွေနဲ့ပေါ့.....

ရပ်နိုင်သမျှ မာနာနဲ့

ဆန္ဒတွေကို ကျားကန်ရင်း

ငါ့နှလုံးသွေးနဲ့ ရေးတဲ့ ကဗျာတွေက

မင်းအတွက်တော့

အဆန်မယ့် လျော်ကြေးလေးပါ.....


စံပယ် ရဲ့ မောင်

Cyber Love

မင်းနာမည်အရင်းကိုယ်မသိ၊ ကိုယ်နာမည်လည်းမင်းမသိ
မင်းအသက်လည်းကိုယ်မသိ၊ ကိုယ်အသက်လည်းမင်းမသိ
မင်းရုပ်ရည်လည်းကိုယ်မသိ၊ကိုယ်ရုပ်ကိုလည်းမင်းမသိ
မင်းနေရပ်လည်းကိုယ်မသိ၊ကိုယ်နေရပ်လည်းမင်းမသိ။
ဖန်သားပြင်ထက်မှာတော့၊နှလုံးသားချင်းနေ့စဉ်တွေ့ထိ
မင်းအားငယ်နေတိုင်း၊ကိုယ်အားပေးနေမိ
မင်းသောကရောက်နေတိုင်း ကိုယ်မျှဝေခံစားနေမိ
မင်းလျှောက်မယ့်လမ်း မှုန်ဝါးရင်လည်း
လမ်းပြမီးအိမ်လေး ကိုယ်ကိုကြည့်
ဒီလိုနဲ့ပဲ နှစ်ဦးသား သံယောဇဉ်ငြိတွယ်မိ။
မနီးကြပေမယ့် မဝေးကြေး၊ မတွေ့ကြပေမယ့် မဆွေးကြေး
ကွန်ပျူတာရှေ့ ထိုင်လိုက်တိုင်း
ကွန်ပျူတာခလုတ်ကလေး ကိုင်လိုက်တိုင်း
ကိုယ်နှလုံးသားကို မင်းကထိ၊ မင်းနှလုံးကို ကိုယ်ကသိ။
ဒီအချစ်မှာ နယ်နမိတ်မရှိ၊အကွာအဝေးမရှိ
အမုန်းတရားမရှိ၊ စိုးထိတ်ကြောက်ရွံ့မှုမရှိ
သိမ်ငယ်မှုဆိုတာမရှိ၊ ကြေကွဲစရာလည်း မရှိ
မင်းရဲ့ Cyber ချစ်သူ ကိုယ်သာထာဝရ ဖြစ်ရပါလို၏....


လင်းလက်သူ

မောင်ဖတ်ဖို့ရေးတဲ့စာ ( ၁၀-၁၀-၂၀၁၀ )

ခမ်းနားသောမြစ်ကြီး၏ဘေးတွင် ခေါင်းငုံ့ကာငေးကျန်ရစ်ခဲ့သော မြက်ရိုင်းပွင့်ငယ်လေးများ၏မြတ်နိုးမှုဖြင့် မောင့်ကိုကျွန်မ ချစ်ခဲ့ပါသည်။ ။

မောင်သည် အသားညိုညို အရပ်ရှည်ရှည်နှင့် ယောက်ျားပီသစွာချောမောသူ….။ မောင်ပြုံးလိုက်တိုင်းကျွန်မအသက်ရှုဖို့မေ့လျှက် မောင့်ရယ်သံလွင်လွင်လေးများကို နားထဲမှာအမြဲကြားယောင်နေတတ်တဲ့အထိ ကျွန်မမောင့်ကိုစွဲလမ်းခဲ့ပါသည်…။ အိပ်ယာစောစောထရမှာ ၀န်လေးတတ်သောကျွန်မကို မောင်ကလေသံအေးအေးလေးဖြင့်လာနှိုးတတ်သည်…။ နားထောင်ကောင်းသောမောင့်အသံများဖြင့်နိုးထခဲ့ရသော ကျွန်မ၏မနက်ခင်းများအလွန်လှပနေခဲ့ပါသည်..။ မျက်လုံးမဖွင့်ချင်သေးသော်လည်း မောင့်ကိုတွေ့ချင်စိတ် ၊ မရမကနှိုးနေတတ်သော မောင့်ကိုအားနာစိတ်တို့ဖြင့်ပင် ကျွန်မအိပ်ယာစောစောထတတ်ခဲ့သည် …။ တစ်ခါတစ်ရံ စောစီးစွာနိုးနေတတ်သော်လည်း မောင်နှိုးလာမည့်အသံကိုမကြားရမချင်း အိပ်ယာပေါ်မှမထဘဲ ကျွန်မပေအိပ်နေတတ်ပါသည်…။

မောင်သည်ကျွန်မအတွက် စကားပြောကောင်းသူတစ်ယောက်လည်းဖြစ်ပါသေးသည်…။ မောင်မို့ သူငယ်ငယ်ကအကြောင်း ၊ သူသင်တန်းတက်စဉ်ကာလများကအကြောင်း ၊ သူ့မိသားစုအကြောင်းများ စီကာပတ်ကုံးပြောပြနေပြီဆိုလျှင် ကျွန်မမှာအရာရာမေ့လျော့လျှက် တိုးရှကာစွဲဆောင်မှုရှိသော မောင့်စကားသံများကြား စီးမျောပျော်ဝင်နေတတ်ခဲ့သည်…။

မောင်နှင့်ကျွန်မစတင်တွေ့ဆုံခဲ့ချိန်မှာ တစ်နှစ်ခွဲခန့်သာရှိသေးသဖြင့် သိပ်မကြာသေးဟုထင်ရသော်လည်း ငယ်ပေါင်းကြီးဖော်များလိုရင်းနှီးကျွမ်းဝင်ခဲ့ပါသည်..။ မောင့်ကိုဆိုချစ်သူတစ်ယောက်အဖြစ်သာသဘောထားလို့မရဘဲ သိပ်ရင်းနှီးသောသူငယ်ချင်းတစ်ယောက်လို အစ်ကိုတစ်ယောက်လို ကျွန်မစိတ်ထဲခံစားလို့ရခဲ့သည်…။ အစ်ကိုတစ်ယောက်လိုဟုဆိုသော်လည်း တကယ်တမ်းတော့ မောင်ကကျွန်မထက် အသက်ငယ်ပါသည်…။ကျွန်မထက် အသက်ငယ်သောမောင်သည် သူ့အိမ်မှာသားအကြီးလိုဖြစ်နေတာကတစ်ကြောင်း၊ သူထမ်းဆောင်နေသောတာဝန်များအရကတစ်ကြောင်း လူကြီးဆန်ကာ အိမ်မှာအငယ်ဆုံးမို့ကလေးဆန်နေသောကျွန်မကို အစစအရာရာစီမံခန့်ခွဲတတ်ပါသည်…။

မောင်သည် ကျွန်မကို “မမ” ဟုခေါ်သော်လည်း အဲဒီ “မမ.. မမ” ဆိုတာနှင့်ပဲ ကျွန်မကိုဆရာလုပ်လုပ်သွားတတ်ပါသည်…။ “ အဲဒီမမ..မမနဲ့ခေါ်ရတာကြီးက တင်တင်စီးစီးနိုင်လိုက်တာကွာ..အသက်ကဖြင့်ဘယ်လောက်မှလဲသိပ်ကြီးတာမဟုတ်ဘဲနှင့်..ပြောင်းခေါ်ရင်ကောင်းမယ်ထင်တယ်” ဟုတစ်ခါတစ်ရံကျွန်မကို စ တတ်ပါသေးသည်…။မောင့်ကိုချစ်သောကျွန်မသည် မောင့်ကိုအထင်ကြီးလေးစားစိတ် မောင့်အပေါ်အားကိုးစိတ်တို့ဖြင့်ပင် မောင့်စကားဆိုလျှင် နာခံတတ်သူတစ်ယောက်ဖြစ်ခဲ့သည်...။( ချွင်းချက်အနေဖြင့် မောင်တောင်းဆိုခဲ့သော မောင် လို့တစ်ခါလောက်ကြားဖူးအောင်ခေါ်ပါလား ဟူသောစကားမှလွဲ၍ပေါ့ ) ကျွန်မကမောင့်နံမည်သုံးလုံးထဲမှရှေ့ဆုံးနှစ်လုံးကိုပဲကိုတွေမောင်တွေမတပ်ဘဲ ခေါ်နေကျဖြစ်ပါသည် ..။ မောင်ဟုခေါ်ရမှာလက်တွေ့ကျမ၀ံ့မရဲသောရှက်စိတ်ဖြင့်ပင် ကျွန်မခုချိန်ထိတော့တစ်ခါမှမခေါ်ဖြစ်ခဲ့သေးပါ..။ (စာအုပ်တစ်အုပ်ထဲတွင်ဖတ်ဖူးသောအယူအဆတစ်ခုကို စိတ်စွဲနေ၍ မောင် ဟုမခေါ်မိခြင်းလဲဖြစ်ကောင်းဖြစ်နိုင်ပါသည်။ ကောင်မလေးကချစ်သူကို မောင် ဟုခေါ်သောစုံတွဲတော်တော်များများတွင် ကောင်လေးထက် ကောင်မလေးကပိုချစ်တတ်ကာအဆုံးသတ်တွင် ကောင်မလေးကပဲ ကျန်ရစ်ဖြစ်ရသည် ဟုစာအုပ်ထဲတွင်တော့ ကျွန်မဖတ်ခဲ့ရဖူးသည်.. )

ကွန်ပျူတာဂုဏ်ထူးတန်းဖြင့်ဘွဲ့ရခဲ့သောကျွန်မသည် တကယ်တမ်းကျမောင့်တစ်ဝက်လောက်တောင် ကွန်ပျူတာအကြောင်းကိုမသိခဲ့ပါ…။ ကွန်ပျူတာကိုစိတ်မ၀င်စားဘဲ မိဘများဆန္ဒအရတက်ခဲ့ရသောကြောင့်လား မောင့်လိုစိတ်ရှည်လက်ရှည်လေ့လာသင်ယူရမှာပျင်းတာကြောင့်လားတော့မသိ..။ ကွန်ပျူတာနှင့်ပတ်သက်လျှင် မောင်သည် ကျွန်မထက် အများကြီးပိုကျွမ်းကျင်ပါသည်..။ ကျွန်မနားမလည်သည့် ကွန်ပျူတာအသုံးပြုပုံများအကြောင်းပြောရင်း ကျွန်မအတွက်လိုအပ်သော software များကိုမောင်ကပေးရင်း မောင်နှင့်ကျွန်မ အချိန်တော်တော်ကြာအောင် ကွန်ပျူတာရှေ့မှာရှိနေတတ်ခဲ့ကြသည်..။ မောင်ကျွန်မကိုချီးကျူးလေ့ရှိသော “မမကလဲ ဝေးလိုက်တာကွာ..ဒါလေးတောင်မသိဘူး.. အ ပ” ဆိုသော စကားသံများကိုကျွန်မအလွတ်ရနေတတ်သည်…။ မောင်မို့စိတ်ကောင်းဝင်ပြီး “ ဒီတစ်ခါတော့ငါ့မမကတော်သွားပြန်ပြီဟေ့” ဆိုလျှင်ကျွန်မကတော့ပီတိများဖြင့်ပျော်နေတတ်သည်..။ ( ထိုစကားသည်မောင့်ထံမှအလွန်ကြားရခဲသော စကားလည်းဖြစ်ပါသည်။ )

software တစ်ခုခုကိုလိုချင်ပြီဆိုလျှင် မတွေ့မချင်း အင်တာနက်မှာမအိပ်မနေ နေ့မှညကူးကာရှာဖွေတတ်သောမောင်သည် software ရပြီးအဆင်ပြေပြီဆိုတာနှင့် အိပ်ပျက်ညများအတွက် ကျွန်မကိုပင်မေ့လျော့ကာအတိုးချအိပ်ပါတော့သည်..။ ထိုအချိန်မျိုးတွေမှာ ကျွန်မစိတ်ကောက်ခဲ့လျှင် “မမ..စိတ်မကောက်နဲ့နော် မချော့တတ်ဘူးဗျ” ဟူသောမောင့်ရဲ့ပြုံးစစမျက်နှာပေးအောက်မှာပင် ကျွန်မ၏စိတ်ကောက်မှုတို့အရည်ပျော်ခဲ့ရဖူးသည်…။

“ နိုင်ငံခြားရောက်နေတာကြာပဲကြာနေပြီ…ပဲလဲမများတတ်ဘူး.. ဆွဲဆောင်မှုကိုမရှိပါဘူးကွာ” ဟုကျွန်မကိုမောင်က စ သည့်အခါတွေမှာ “ ဆွဲဆောင်မှုမရှိရင်ဘာလို့လာချစ်နေသေးလဲ..ဆွဲဆောင်မှုရှိတဲ့သူကိုပဲသွားချစ်ပေါ့” ဟုကျွန်မစိတ်ဆိုးစွာမောင့်ကိုပြန်ပြောမိတိုင်း ကျွန်မစကားကိုမောင်သဘောကျစွာအားပါးတရရယ်တတ်သောအသံများသည် ကျွန်မအတွက်တော့ဆည်းလည်းသံချိုချိုလေးများဖြစ်ခဲ့ပါသည်…။

မောင်နှင့်ကျွန်မအနေဝေးနေသော်လည်း မောင်နှိုးသောအသံများဖြင့်နိုးထခဲ့ရသောကျွန်မ၏မနက်ခင်းများ၊ မောင့်ကိုစောင့်ရင်း မောင့်အကြောင်းတွေးရင်းအချိန်ကုန်သွားတတ်သောကျွန်မ၏နေ့လည်ခင်းများ၊ မောင်နှင့်ညနက်တဲ့အထိစကားပြောပြီးမှ အိပ်ယာဝင်ဖြစ်ခဲ့သောကျွန်မ၏ညခင်းများ လှပအသက်ဝင်ပျော်ရွှင်ဖို့ကောင်းခဲ့သည်မှာ မောင့်ကြောင့်ပင်ဖြစ်ပါသည်…။

မိုးရွာချိန်မှာ မောင့်လက်ကိုတွဲပြီးထီးမဆောင်းဘဲမိုးစက်တွေကြားလျှောက်သွားချင်ခဲ့သော၊ မောင်နှင့်အတူဖိနပ်မစီးဘဲလူရှင်းသောလမ်းမကျယ်ကြီးပေါ်ပြေးကြည့်ချင်ခဲ့သော ကျွန်မရဲ့စိတ်ကူးလှလှလေးများကို မောင်ကတော့ “ကလေးဆန်ပြီးပေါတောတောနိုင်တဲ့ စိတ်ကူးတွေ” ဟု ချီးကျူးထောပနာပြုခဲ့ပါသည်..။

ကဗျာရေးတာကိုမကြိုက်သောမောင်က မောင့်အတွက်ကျွန်မကြိုးစားပမ်းစားရေးထားသောကဗျာများကိုပြမိလျှင် “ရေးပြန်ပြီလား ဒီကဗျာတွေက..အချိန်တွေတော်တော်ပိုနေတယ်ထင်တယ်” ဟုအသိအမှတ်ပြုလေ့ရှိပါသေးသည် ...။

( သို့သော်ကျွန်မမွေးနေ့တွင် မှတ်မှတ်ရရ မောင်ကျွန်မအတွက် ကြိုးစားပမ်းစားကဗျာတစ်ပုဒ်မွေးနေ့လက်ဆောင်ပေးခဲ့ဖူးပါသည် … စာကြောင်းရေ ၁၂ကြောင်းပါဝင်သောကဗျာတိုလေးတစ်ပုဒ်ဖြစ်ကာ ကျွန်မအနှစ်သက်ဆုံးမွေးနေ့လက်ဆောင်လေးဖြစ်ခဲ့ပါသည်..။ မောင်ပြောပြသဖြင့် အဲဒီကဗျာလေးရဖို့ မောင်ခေါင်းတွေပူကာ အချိန်တော်တော်ယူပြီးညမအိပ်ဘဲကြိုးစားအားထုတ်လိုက်ရကြောင်း ကျွန်မသိခွင့်ရခဲ့သည်.. )

ကဗျာရေးရဖတ်ရတာသိပ်ဝါသနာပါသောကျွန်မသည် မောင့်ကိုမြတ်နိုးသောစိတ်ဖြင့်ပင် မောင်မကြိုက်သော ကျွန်မချစ်သော ကဗျာရေးခြင်းကိုစွန့်လွှတ်ဖို့ကြိုးစားခဲ့ဖူးသည်..။ မောင်ကပဲအတင်းအကျပ်မတားမြစ်ခဲ့လို့လား၊ အပြင်မှာသူငယ်ချင်းသိပ်မရှိသောကျွန်မကပဲမောင်နှင့်မတွေ့ဖြစ်တဲ့အချိန်တွေမှာ ကဗျာတွေစာတွေနှင့် အဖော်ပြုနေခဲ့ရလို့လားတော့မသိ .. ထိုကြိုးစားမှုမှာယခုချိန်ထိတော့မအောင်မြင်သေးပါ..။

မောင်နှင့်ကျွန်မသည် တစ်ယောက်အပေါ်တစ်ယောက်ချစ်တာချင်းတူကောင်းတူမည်ဖြစ်သော်လည်း မောင်ကကျွန်မကိုလူကြီးဆန်ဆန် ( ချစ်နေတာကိုသိပ်မဖော်ပြဘဲ ) ချစ်ခဲ့ပြီး ကျွန်မကတော့မောင့်ကိုကလေးဆန်ဆန်( ချစ်တဲ့အကြောင်းများမကြာခဏပြောကာ )ချစ်ခဲ့ပါသည်…။

ကျွန်မ၏၀င်သက်ထွက်သက်များရပ်သွားမဲ့တစ်နေ့အထိကျွန်မမောင့်ကိုချစ်နေမည်မှာသေချာပါသည်..။ ( ၀င်သက်ထွက်သက်များရပ်သွားပြီး နောက်ဘ၀ဆိုတာကတော့ကျွန်မသိနိုင်မဲ့အရာမဟုတ်တဲ့အတွက် နောက်ဘ၀အထိမောင့်ကိုချစ်နေမယ်လို့တော့ ကျွန်မမပြောလိုပါ… )

မောင့်ကိုကျွန်မသိပ်ချစ်သောကြောင့် မောင်သည်ကျွန်မ၏အရာရာဖြစ်ခဲ့ပါသည်..။

တနည်းအားဖြင့်….. မောင်သည်ကျွန်မ၏အရာရာဖြစ်ခဲ့သောကြောင့် မောင့်ကိုကျွန်မသိပ်ချစ်ပါသည်..။

မောင့်အပေါ်ချစ်သော ကျွန်မ၏ချစ်ခြင်းတို့ဖြင့် မောင့်နေ့ရက်တွေ ကြည်လင်တောက်ပနိုင်ပါစေ….. မောင်…။ ။

နွယ်ရှင်

( ၁၀-၁၀-၂၀၁၀ )

သိမ်းမယ်

အထပ်ထပ်ကြဲချခြေရာများ
နှလုံးသားပေါ်မြတ်နိုးစွာ
သိမ်းမယ်။
ဘာကြောင့်ပစ်ပစ်ဘယ်လောက်ပစ်ပစ်
မင်းမျက်စောင်းတွေအားလုံး
အချစ်နဲ့လဲပြီး သိမ်းမယ်။
မြင်လိုက်တာနဲ့
စံပယ်ဖူးလို စူသွားတဲ့မင်းနှုတ်ခမ်း
မျက်ဝန်းထဲမှာ သိမ်းမယ်။
ရင်ခုန်သံတွေအပေါ်
နင်းသွားတဲ့ မင်းခြေဆောင့်သံ
နားနှစ်ဖက်နဲ့ သိမ်းမယ်။
အထပ်ထပ်ဝါးထားတဲ့
မင်းပီကေလေး
ခေါင်းထက်မှာ သိမ်းမယ်။
တွေ့လိုက်တာနဲ့ချာခနဲ လှည့်အထွက်
အင်္ကျီကြားက မင်းခါးသားလေး
ဝင်းမွတ်စွာ သိမ်းမယ်။
မင်းချွေးသုတ်ပြီး လွှင့်ပစ်တဲ့
တစ်သျှူးပေါ်က အနံ့လေး
အိပ်ကပ်ထဲမှာ အမြဲသိမ်းမယ်။
အမြဲမလစ်လပ်တဲ့ မင်းနှလုံးသား
လပ်ရဲလပ်ကြည့်အတွေးနဲ့
သိမ်းမယ်။
အရမ်းခံစားပြီး ရေးထားတဲ့ကဗျာလေးပေးဖတ်လိုက်တဲ့
အခါအစိတ်စိတ်အမွှာအမွှာ ဆုတ်ဖြဲပြီး
ဘာကြောင်တာလဲ ဆိုတဲ့မင်းအသံလေးနဲ့ပဲ ထုပ်သိမ်းမယ်။
ရည်းစားတစ်ယောက်က တစ်ယောက်အကူး
ထွက်ကျသွားတဲ့ မင်းရယ်သံ
နှုတ်ခမ်းထက်မှာ သိမ်းမယ်။
နေ့ည တွေးသမျှ အတွေးတွေအကုန်လုံး
မင်းသိမ်းသွားတဲ့အခါ
အကြီးကျယ်ဆုံး အရှုံးတစ်ခု သိမ်းမယ်။
ရည်းစားဘ၀ စိတ်ကောက်ရင်ရာထူးတက်တယ်တဲ့
ရည်းစားမဟုတ်သေးပေမယ့်မင်းစိတ်ကောက်နေတာလေး
စိတ်နဲ့ သိမ်းမယ်။
မတွေ့မမြင်တာကြာလို့ မေးတဲ့အခါဖျားနေတာ
အဖျားတွေ တသက်လုံးသိမ်းပါလား တဲ့
တုံ့ပြန်စကားလုံးများအိမ်မက်ထဲမှာ သိမ်းမယ်။
ရိုက်တော့မယ်လို့မာန်စောင်နေတဲ့
မင်းလက်ဖ၀ါးလေး
ပါးပြင်ပေါ်မှာ သိမ်းမယ်။

အချစ်တစ်ခုတည်းနဲ့သာလိမ်းခြယ်ထားမိတဲ့
ဘ၀လေးကျားသစ်လက်
ငါးမန်းပါးစပ်နဲ့တစ်ဟုန်ထိုး ဟပ်ဟပ်နေတာ
မင်း ...ပြန်မအမ်းတော့ဘူးလားဟင်
သိမ်းချင်လို့ပါ
သိမ်းမယ်။ ။


စံပယ် ရဲ့ မောင်

ပြန်လှည့်မကြည့် ကြေး

ချစ်တယ်...ချစ်သူရယ်
မင်းကိုချစ်ရတဲ့ အနမ်းတပွင့်ဟာ
ပျားရည်ထက် ချိုသလို
မင်းကို လွမ်းတဲ့ အလွမ်းတစက် က
တမာထက်ပိုခါးလွန်း ပါတယ်ကွယ်

ချစ်ရက်လေးတွေ
ပြန်ေ၇တွက်လို့ ရင်ခုန်ကြည်နှုးရသလို
လွမ်းရက်တွေကလည်း
ကမ္ဘာ ချီတယ်လို့တောင် ခံစားနေရပါတယ်ကွယ်

မျှော်လင့်ထားတဲ့
တူနှစ်ကိုယ်တိုင်းပြည်လေးသာ
တည်ဆောက်နိုင်ခဲ့မယ်ဆိုရင်
လောကကြီးထဲမှာ အပျော်ဆုံး
အလှဆင်နိုင်ခဲ့တဲ့ ချစ်သူတွေပေါ့ကွယ်

ခုတော့........
လောကနိယာမ အတိုင်းဆန့်ကျင့်ဘက်တရားကြီးက
ကြီးစိုးထားခဲ့တော့ ဘယ်လိုမှ မလွန်ဆန်နိုင်ဘူးကွယ်
ချစ်လျက်နဲ့ဝေး လွမ်းတသက်နဲ့ ဆွေးနေခဲ့ရပြီပေါ့

နောက်ဆုံးတော့.......
ကံစီမံ ရာကဘဲ အဆုံးသတ်ပေးခဲ့လေသလားမသိပါဘူး
လွမ်းရင်းနဲ့ဝေးခဲ့ကျတာ ကျောခိုင်းနေမိရက် ဖြစ်နေပြီ
သူ့လမ်းသူရှောက် ကိုယ့်လမ်းကိုယ်ရှောက်နဲ့ ဝေးခဲ့တာ
ခုဆို ကမ္ဘာတဖက်စွန်းဆီကို ရောက်နေခဲ့ကျပြီလေ

ချစ်သူ.........
မင်းနဲ့ ကိုယ်ရဲ့ ရှောက်ခဲ့တဲ့လမ်းအတိုင်း
ပြန်လှည့်မကြည့် ကြေးနော်...........


မောင် ရဲ့ စံပယ်

ကြွေကွဲအိမ်

ဘဝမှာ...
ချိုမြိန်တဲ့ နာကျင်မှုတွေ ရှိမှ
လှပတဲ့ ကဗျာ ဆိုတာ ပေါက်ဖွား လာတက်တယ် ဆိုရင်ပေါ့
ငါ့ ရဲ့ မဖြစ်နိုင်တဲ့ ချဉ်ခြင်းတပ်မှုတွေ အားလုံးဟာ
နင် မမြင်နိုင်တဲ့ ကမ္ဘာ တဖက်စွန်း ဆီမှာ
နှစ်ပေါင်းများစွာ......

နင်ပြောသလိုဆိုရင်
ငါဟာ ဖိနပ်မပါဘဲ လမ်းလျှောက်နေခဲ့ရသူလား

ချစ်ခြင်းတွေနဲ့
ပြီးတော့.........
နင့်အတွက် ပျော်ရွှင်ခြင်းတွေ
စိုက်ပျိုးပေးခဲ့ဖူးတဲ့ ဥယျာဉ်မှာ
ငါ့ နှလုံးသားတွေ ပွန်းပဲ့ သွေးစို့တဲ့အထိ
ဂရုတစိုက် ပြုစုယုယခဲ့တာ
လူသားပီသစွာနဲ့ပါ.........

ကိုယ့်ဝမ်းနာ ကိုယ်သာသိ ဆိုတဲ့
ရှေ့ လူအများပြောတဲ့ စကားမျိုးကိုလည်း
ငါ နဲ့အဝေးဆုံးမှာထားရစ်နိုင်ခဲ့ပါပြီ

ဒါနဲ့များဟာ
ငါ့ဘဝထဲက ကြယ်စင်တွေဟာ
ဘာကြောင့်များ မပြောမဆို ထွက်သွားကြရတာလည်း ဟင်...

ပြတင်း တံခါးတွေ ဖွင့်ထားပါလျက်နဲ့
ကျေးငှက်တို့ရဲ့ သာယာတဲ့တေးသံတွေ
ပီပြင်စွာ ကြားခွင့်မရတဲ့ အရပ်မှာ
ငါ...ငါ တကယ်ပဲ နေ....နေ ရပါတယ်....။

မောင် ရဲ့ စံပယ်

ကျေနပ်ခွင့်ပြုပါ

ချစ်သူ.........
မင်းပျော်မယ်ဆိုရင်ပေါ့

ကောင်းကင်တွေအုံ့ဆိုင်းလို့ တိမ်ညိုတွေမှိုင်းလျက်ပေါ့
လေပြေတွေ လှိုင်းထန်နေလို့ ကြယ်စင်တွေ အဝေးသို့လွင့်စင်လျက်ပေါ့
လမင်းကြီးလည်းပျောက်ကွယ်နေလို့ လောကကြီးတစ်ခုလုံးမည်းမှောင်လျက်ပေါ့

ချစ်သူ.............
မင်းတစ်ယောက်သာ ပျော်ရွှင်ကြည်နူးမယ်ဆိုရင်
အုံ့ဆိုင်းနေတဲ့ ကောင်းကင်ကြီးရယ်၊ညိုမှိုင်းနေတဲ့ တိမ်စိုင်တွေရယ်
လှိုင်းထန်နေတဲ့ လေပြေတွေရယ်၊လွင့်စင်သွားတဲ့ ကြယ်စင်တွေရယ်
ပျောက်ကွယ်သွားတဲ့ လမင်းကြီးရယ်၊ မည်းမှောင်နေတဲ့ လောကကြီးတစ်ခုလုံးကို
အလျဉ်းမရှိ ရွှင်းအိတောက်ပလာအောင် ငါဖန်ဆင်းပေးပါရစေသား.....

ဒါကိုမှ မင်းမပျော်နိုင်သေးရင်
ကိုယ် ဆိုတဲ့ ငါတစ်ယောက် မင်းရှေ့မှာ ဒူးထောက်လို့
ကောက်ကွေ့ချင်းမရှိတဲ့ ငါ့ရဲ့  ရင်ခုန်သံ မြစ်တစ်စင်း
ချစ်ခြင်းများစွာနဲ့ မြစ်ဖျားခံတဲ့ မာယာကင်းတဲ့ ချစ်ခြင်းမေတ္တာ
အပြစ်ရှာလို့ မရအောင် ခပ်ခွာခွာကနေပဲချစ်နေပါဆိုရင်လည်း
မင်းရဲ့ ဆန္ဒ မင်းရဲ့ ဘ၀ကို ထာဝရပျော်ရွှင်စေဘို့
ငါ့ရဲ့နှလုံးသွေးနဲ့ ရေးတဲ့ ဒီကဗျာလေးတစ်ပုဒ်နဲ့ ကျေနပ်ခွင့်ပြုပါတော့ ...


မောင့် ရဲ့ စံပယ်

တဘဝလုံးရဲ့ သူရဲကောင်းလေး

စမ်းတ၀ါးဝါးနဲ့ လျှောက်လှမ်းခဲ့ရတဲ့
ငါ့ဘ၀အမှောင်ကမ္ဘာလေးထဲမှာ
ပျော်စရာဆိုတာ ဘယ်မှာလဲ...
အကြင်နာမေတ္တာဆိုတာ ဘာလဲ....
သံယောဇဉ်နဲ့ အချစ်ကို သေချာမသိခဲ့တဲ့...ငါ
ချစ်တယ်ဆိုတဲ့ စကားဟာ ဘယ်သူ့အတွက်လဲလို့ သေချာမစဉ်းစားမိခဲ့တဲ့...ငါ
အရာအားလုံးကို ၀ိုးတိုးဝါးတားနဲ့ နားလည်မှုမရှိသေးခဲ့တဲ့...ငါ
ငါ....ဆိုတာ ဘယ်သူလဲ...
ငါ့အချစ်တွေ က ဘယ်သူအတွက်လဲ...
ပုစ္ဆာ တစ်ပုဒ်ကို အဖြေထုတ်ခဲ့တာ နှစ်ပေါင်း ၂၀ကျော်ခဲ့ပြီပေါ့.....
အခုတော့.............
သေချာဝေဖန်ပိုင်းခြားပြနိုင်တဲ့...ကျမဘဝရဲ့ ပိုင်ရှင်လေး...
အချစ်မီးအိမ်ငယ်လေးကို ကြင်နာယုယစွာပိုက်ထွေးလာခဲ့ပြီ...
အရာရာ မသေချာမရေရာ စမ်းတ၀ါးဝါးနဲ့လျှောက်လှမ်းခဲ့တဲ့...ငါ ဟာ
ဒီတစ်ခါတော့.......
ကံကောင်းခြင်းများစွာက ငါ့ကို ပိုင်စိုးခဲ့ပြီ...
တဒင်္ဂဆိုတဲ့ အချိန်တို တခဏတာလေးမှာ
ဖူးစာရေးနတ်ကများ ငါ့ဘက်ကို မြှားဦးလှည့် လာခဲ့လေသလား......
ငါ့ဘ၀ကို အမှောင်ခွင်းအလင်းပေးခဲ့တဲ့....သူ
ပျောက်ဆုံးနေတဲ့လမ်းလေးကို လမ်းပြကြယ်လေးတစ်ပွင့်အဖြစ် ဖန်ဆင်းဝင်ရောက်ပေးခဲ့တဲ့....သူ
ကမ်းစပ်ကိုရှာမတွေ့နိုင်ခဲ့တဲ့ ဇနက္က ....ကယ်တင်ရှင် မေခလာ အဖြစ်ဝင်ရောက်အစားထိုးပေးခဲ့တဲ့....သူ
အချစ်လပ်နေတဲ့ ငါ့ဘ၀ထဲကို .....အချစ်လက်နဲ့ကမ်းလင့်ကြိုခဲ့တဲ့....သူ
ငါ့ရဲ့ရင်ထဲကို အကြင်နာ မေတ္တာတွေ ယူဆောင်ပေးခဲ့တဲ့ မင်းကို
အတည်းကျန်ဆန် မှုတွေဝေးကွာသွားစေတဲ့အတွက်
မင်းကို တင်စားမှုလေးတစ်ခုနဲ့
ငါ့ရင်ထဲမှာ ကျောက်စာတစ်ခုအဖြစ် ကမ္ဗည်းထိုး မှတ်တမ်းပြုပါရစေလား
ကျမဘဝရဲ့ သူရဲကောင်းလေး....ရယ်


မောင့် ရဲ့ စံပယ်

စံပယ့် ဘဝ ရဲ့ မောင်

စံပယ် အရမ်းချစ်ရတဲ့မောင်ကို ရင်ထဲက အတိုင်းလေး
တင်စားလိုက်ချင်တယ်....မောင်ရယ်

......လိူင်းကြီး လှေအောက်....ဆိုတဲ့စကားပုံလေးလိုပေါ့
စံပယ့်ဘဝမှာ ဘယ်လိုအခက်အခဲ တွေ
စိတ်ညစ်စရာ တွေ တွေ့ကြုံ နေရပါစေ
မောင် ဆိုတဲ့အင်းအားတစ်ခု နဲ့အရာအားလုံးကို
ကျော်လွှားစေနိုင်ခဲ့တယ်လေ....

......သစ်တပင် ကောင်းရင် ငှက်တသောင်းနား.....တဲ့
အဲ့အတိုင်းလေးပါ စံပယ့်ရဲ့ နားခိုစရာ ရင်ခွင်တခုပေါ့
စံပယ့် ဘဝရဲ့ မောပန်းမှု မှန်သမျှ အားလုံးကို မောင်က
အမောပြေသွားအောင် နားခိုခွင့် ပေးခဲ့တာ
စံပယ့် ရဲ့ ထာဝရ မောင်ပါ....

.......စီးတဲ့ ရေ ဆယ်တဲ့ ကန်သင်း .......တဲ့
စံပယ့် ဘဝ ရဲ့ အဆိုးအကောင်း မှန်သမျှကို
နားလည်မှု တခုထဲနဲ့ အားလုံးလက်ခံပြီး
အကောင်းတွေဘဲလို့ သတ်မှတ်ပေးပြီး
ပြုမှုသမျှတိုင်းကို လက်ခံ အားပေးခဲ့တဲ့
မောင့် ရဲ့ မေတ္တာ ကတော့ဘယ်အရာနဲမှ
နှိုင်းပြစရာ မရှိပါဘူး......

.......မောင် စံပယ်ကိုဘယ်လောက်ထိ ချစ်လည်းဆိုတာ
စံပယ်သာလျှင် အသိဆုံးပါ
ချစ်တက်လွန်းအားကြီးတဲ့မောင်
ပေးဆပ်အနစ်နာ ခံနိုင်လွန်းတဲ့မောင်
နားလည်မှု အပြည့် ရှိတဲ့မောင်
စံပယ့် ဘဝမှာ မောင့်ကို ဘယ်အရာနဲ့မှ
နှိုင်းပြစရာမရှိခဲ့ တော့ပါဘူး........

..........စံပယ်ရဲ့ ရင်တွင်းခံစားချက်ကို
ကြားသိတဲ့ သူတိုင်း မောင် လိုမျိုး
စစ်မှန်တဲ့ အချစ်နဲ့ ချစ်တက်တဲချစ်သူမျိုး လေး
တွေ့ကြုံ ရရှိပါစေလို့ စံပယ်ဆုတောင်းပေးရင်းနဲ့
နောက်ဆုံးပြောချင်တဲ့ စကားတခွန်းက....

* အရမ်းးးးးးးးးးချစ်တယ် မောင်ရယ် ...ဘယ်တော့မှမခွဲဘူး*

* အသည်း နင့် အောင် ချစ် တယ် *

* ပျော် ရွှင် စရာ မိသားစု ဘဝလေးကို တည်ဆောက်ကြမယ် *

* ဘဝ ဆက် တိုင်း ပေါင်း ကြမယ်နော် *



မောင့် ကို အရမ်းချစ်တဲ့ စံပယ်

၅ - ၅ - ၁၀

ချစ်သူသို့

ငါ......မင်းကိုချစ်တယ်
မင်းဖြစ်နေတဲ့အတွက် ငါချစ်တာတော့မဟုတ်ဘူး
ငါဟာမင်းဖြစ်နေလို့၊ ငါ့စိတ်တွေမင်းအရိပ်လိုက်နေလို့
ငါမင်းကိုချစ်တာ..........
မင်းကိုလွမ်းတိုင်းသာ
လဝန်းကြီးသာပေးခဲ့ရင်
မောင့်ဘဝတွက်အမှောင်ဆိုတာရှိတော့မှာမဟုတ်ဘူး.......
မင်းပေါ်အချစ်တွေပိုတိုင်း
မိုးစက်လေးတို့ ကြွေတတ်ခဲ့ရင်
ကောင်းကင်တောင် ဟင်လင်းဖြစ်လောက်ပြီချစ်သူ............
တစ်ယောက်နဲ့ တစ်ယောက် လွမ်းလိုက်တာ
ချစ်သူရယ်ဆိုတဲ့....
စကားလုံးတွေရှိတဲ့ နေ့ရက်တွေမှာ
မောင်မနေချင်တော့ပါဘူး......
မင်းရင်ထဲကို တိတ်တဆိတ်ဝင်
နှလုံးလားလေးကို အားရအောင်ဖွဖွလေးနမ်းချင်တယ်
နေ့သစ်တိုင်းမှာ၊ ကြင်နာချင်တယ်ချစ်သူရယ်.......


စံပယ် ရဲ့ မောင်

ခံစားမှု

ရန်ဖြစ်ပြီးမှ
ပြန်ချစ်ကြတာ
သဘာဝပါကွယ်။

စစ်ဖြစ်နေတဲ့ ကာလ
အချစ်မျက်ရည်တွေ
အခါခါကျတော့ ...
ရင်ထဲက
တသသ နာလွန်းတယ်။

မခွဲနိုင်မှန်း သိလျက်နဲ့
စကားနိုင်လု၊
သ၀န်တိုမှုတွေ
တဖြည်းဖြည်းစု

စိုးရိမ်ပူပန်မှုတွေ က...
မြင့်သထက်မြင့်
ရန်ဖြစ်တဲ့ အဆင့်ကို
မာန်ဝံ့ပြီး တက်ခဲ့ကြတာ
ဘယ်သူမှားသလဲကွယ်။

အချစ်ရယ်...
ရန်မဖြစ်ကြေး
ပြန်စစ်ဆေးကြမယ်ဆိုရင်...
နင်လည်း .. နာ ၊ ငါလည်း ..နာ
နင်လည်းလွမ်း ... ငါလည်း လွမ်း
နင်လည်း ...ငို၊ ငါလည်း...ငို
ကမ္ဘာပြိုမတတ်ပါဘဲကွယ်။

ချစ်သူ အချင်းချင်း
တိုက်တဲ့စစ်
မုန်းလို့မှ မဖြစ်ဘဲ။

မုန်းမေ့လို့ မရကြမယ့် အတူတူ
( စစ်မဖြစ်ကြေး )
ဟော့ဒီ အချစ်လက်ရေးနဲ့
( ငြိမ်းချမ်းရေး သ၀ဏ်လွှာလေး)
နင့်ကို ...ပေးလိုက်ပါရစေ။

နေ့လည်း... လွမ်း ၊ ညလည်း ...လွမ်း
မျက်ရည်တစမ်းစမ်း နဲ့
ရန်ဖြစ်ပြီးမှ၊ ပြန်နမ်းမိတဲ့ ...အနမ်း
ငါ့ရင်ထဲ
ပိုလွမ်းသွားရပြန်ပြီကွယ်။

စံပယ် ရဲ့ မောင်

လွမ်းမိပါသေးတယ်

တို့တွေ... သစ်ပုတ်ပင်အိုမှာ
မကွန်းခိုခဲ့ ရပေမယ့်
ရွှေညောင်ပင် အေးရိပ်မှာ
သန့်ရှင်းရေး လုပ်ခဲ့ တာလေး
ငါတော့ အမှတ်ရနေသေးတယ်....။
ကံ့ကော်တောရဲ့ သင်းပျံရနံ့ ကို
ရှူရှိူက်ခွင့် မရခဲ့ပေမယ့်
ရနံ့ ပြယ်သော ချယ်ရီတောကို
ငေးမော ခဲ့ရတဲ့ အခိုက်အတန့်လေး
ငါတော့ ပြန်လွမ်းမိသေးတယ်....။
ပုဂံလမ်းကနေ မျှော်စောင့်နေမယ်
ပြောခွင့် အခါမသင့်ခဲ့ပေမယ့်
ချစ်သူကိုကြိုလင့်ရတာ
ငါတော့ ပိုရင်ခုန်ခဲ့ရဖူးရဲ့....။
ဂျင်ဆင်လမ်းထက် ချစ်ဦးသူလက်ကိုတွဲ
ကြည်နူးစွာ မလျှောက်ခဲ့ဖူးပေမယ့်
အောင်စစ်သည်လမ်းထက် လက်ဆွဲအိတ်ကိုဆွဲ
လက်အပြည့်လွှဲ လျှောက်လှမ်းခဲ့တဲ့ ခြေလှမ်း
ငါတော့ အခုထိ ရဲရင့်နေဆဲပဲ....။
လွတ်လပ်ခြင်းတွေ စိမ်းလန်းတဲ့
ဒဂုံတက္ကသိုလ်မှာ တို့တွေမခိုလှုံခဲ့ ကြရပေမယ့်
ချယ်ရီရိပ်ပျို အမိစစ်တက္ကသိုလ်မှာ
လွတ်လပ်မှုကို မြိုချ ချွေးစက်တွေ ခါထုတ်ခဲ့ရတဲ့
ထိုထို နှစ်များကိုတော့ ငါတို့
ဘယ်လိုမေ့လို့ ရမှာလည်းကွာ....................။


စံပယ် ရဲ့ မောင်

သခင်

ထားရာနေ စေရာသွား
နတ်ဖုရားမထံပါး အခစားဝင်
အမျက်တော် ကြေစေကြောင်း
စကားလုံးကောင်းများ ရှာဖွေ
အခါခါ သံတော်ဆင့်
ပြန်တမ်းတို့ လွင့်မလာတဲ့ အရပ်မှာ
အခွင့်ကို မျှော်လင့်နေကြောင်းပါသခင်......။
ပြန်စဉ်းစားပါဦး သခင်
သခင့်အလိုကျ နေပြခဲ့တာလည်း
ရင်တွင်းမာနတို့ ပါးလျကုန်ပြီ
သခင် တောင်းခဲ့ဖူးသော ကတိအထပ်ထပ်
သစ္စာရှိစွာ စောင့်သိလျှက်ပါ
ဖောက်ဖျက်ရန်ရှိက အကျွန့်အသက်
အလဲအထပ် ပြုပါတယ်သခင်........။
လူပင်မို့ ကြွမိတဲ့အတ္တ
အခါမသင့်တဲ့ ခဏ
ထာဝရမှ မဟုတ်တာသခင်
အမျက်တော် မာန်ရှ
ထာဝရဆိုလျှင်ဖြင့် အကျွန့်ရင်ဘတ်
နုတ်နုတ်တာ စင်းပါတော့
အသည်းနှလုံးကို စဉ်းနှီတုံးလုပ်
သင့်သလိုသာ သုံးပါတော့ သခင်......။
သခင်ဥပေက္ခာ ရှေ့ထား
အကျွန့် ရင်ဝယ်တွင်း နေဆယ်စင်းမျှ
ပူလောင်ခြင်း ဗျာပါဒ
တစ်စ တစ်စ ထကြွနေတာ
သခင် မသိလေရော့သလား
နေနိုင်ရက်အား လွန်လွန်းလှပါတယ်
လှည့်မကြည့်ချင်လည်း ငဲ့ကြည့်ဖို့
ရွှေမျက်နှာတော်တစ်ချက် ၀င့်လျှင်ဖြင့်
ရင်တွင်း အပူတို့ ငြိမ်းအေးရပါပြီ သခင်..........။


စံပယ် ရဲ့ မောင်

မင်းလေးကြောင့်

ဗင်လာဒင် ရဲ့ အကြမ်းဖက်လုပ်ရပ်
WTC ညီနောင် မြေခလို့ ဗုန်းဗုန်းလဲကျတာလည်း
မင်းလေးကြောင့်မဟုတ်ရပါဘူး.......။
ဟီရိုရှီးမား၊နာကာစကီ နျူကျဲခံရလို့ ပြာကျ
ကမ္ဘာသိ ငါသိ မင်းလေးလည်းအသိ
ဒါလည်းမင်းလေးကြောင့် မဟုတ်ရပြန်ဘူး.........။
ကလီယိုပက်ထရာ ဇာပုဝါပါးလွှမ်းခြုံ
ရောမအင်ပါယာ တစ်ခုလုံး မီးဟုန်းဟုန်းတောက်လောင်တာ
မင်းလေး....မင်းလေးကြောင့်မှ မဟုတ်တာပဲကွယ်.........။
ညို့အားပြင်း မျက်ဝန်းတစ်စုံနဲ့ အကြည့်ချင်းဆုံ
နှလုံးခုန် ကြိမ်နှုန်း 1500 ထိ ဆောင့်တက်
ငါ့လက်ဝဲ နံရိုးနှစ်ချောင်း အက်တဲ့ ကိစ္စကတော့
မင်းလေးနဲ့ အသေအချာ သက်ဆိုင်နေပါတယ်ချစ်သူ........။

စံပယ် ရဲ့ မောင်

ဇူလှိုင်

မိုးကလေးက တစိမ့်စိမ့်
လေကလေးက တသိမ့်သိမ့်
လှိုင်းကလေးက တလိမ့်လိမ့်
သစ်ရွက်ကလေးတွေ ကလည်း
တဖြုတ်ဖြုတ်နဲ့ကြွေနေတယ်လေ....
အဲ့ဒီအအချိန်မှာ ငါကတော့
မင်းကို တငြိမ့်ငြိမ့်လေး
လွမ်းလို့ပေါ့...။

စံပယ် ရဲ့ မောင်

စုန်ရဲရဲ ဆန်ရဲရဲ

ထာဝရဦးညွှတ်ပါတယ် အမေ
အမေ့ဂုဏ်ရည် အထူးထူးကို
အပြည့်အ၀ဖော်ကျူးဖို့
ဒီနေ့အထိ ဘယ်သူမှ
ဥာဏ်မကွန့် မြူးနိုင်သေးတာ
အားလုံးတခဲနက် လက်ခံလျက်ပဲ.....။
အမေလို့ လျှာဖျားလေးနဲ့
မြည်းတမ်းလိုက်ရင်တောင်
လှိုက်လှိုက်တက်လာတဲ့
ရင်ထဲကကြည်နှုးမှု
အမေ့မေတ္တာကြောင့်ဆိုတာ
ဘယ်သူမှ မငြင်းဝံ့ဘူး အမေ.....။
ခေတ်အဆက်ဆက်က
သူရဲကောင်းတွေထက်
မြင့်မြတ်သူတွေဆိုတာ
အမေဆိုတဲ့ အမည်နာမ
သမုတ်ခံရသူတွေသာ ဖြစ်ရဲ့....။
အသက်ကိုအရင်းထား
စွန့်စားရဲ့တဲ့ အမေ့အတွက်
သားသမီးတိုင်း
ပြန်ရဲရင့်ခွင့်ရှိသင့်တာပေါ့
ပြန်ရဲရင့်သင့်တာပေါ့........။
သားတော့
အမေ့အတွက်နဲ့ဆို
တလောကလုံးနဲ့ တစ်ယောက်
အန်တုပြီးရန်ပြုရဲတယ်အမေ.........။

စံပယ် ရဲ့ မောင် (9.5.2010)

စံပယ့် ဘဝ ရဲ့ မောင်

စံပယ် အရမ်းချစ်ရတဲ့မောင်ကို ရင်ထဲက အတိုင်းလေး
တင်စားလိုက်ချင်တယ်....မောင်ရယ်

......လိူင်းကြီး လှေအောက်....ဆိုတဲ့စကားပုံလေးလိုပေါ့
စံပယ့် ဘဝမှာ ဘယ်လိုအခက်အခဲ တွေ
စိတ်ညစ်စရာ တွေ တွေ့ကြုံ နေရပါစေ
မောင် ဆိုတဲ့ အင်းအားတစ်ခု နဲ့ အရာအားလုံးကို
ကျော်လွှားစေနိုင်ခဲ့တယ်လေ....

......သစ်တပင် ကောင်းရင် ငှက်တသောင်းနား.....တဲ့
အဲ့ အတိုင်းလေးပါ စံပယ့်ရဲ့ နားခိုစရာ ရင်ခွင်တခုပေါ့
စံပယ့် ဘဝရဲ့ မောပန်းမှု့ မှန်သမျှ အားလုံးကို မောင်က
အမောပြေသွားအောင် နားခိုခွင့် ပေးခဲ့တာ
စံပယ့် ရဲ့ ထာဝရ မောင်ပါ....

.......စီးတဲ့ ရေ ဆယ်တဲ့ကန်သင်း .......တဲ့
စံပယ့် ဘဝ ရဲ့ အဆိုးအကောင်း မှန်သမျှကို
နားလည်မှု့ တခုထဲနဲ့ အားလုံးလက်ခံပြီး
အကောင်းတွေဘဲလို့ သတ်မှတ်ပေးပြီ
ပြုမှုသမျှတိုင်းကို လက်ခံ အားပေးခဲ့တဲ့
မောင့် ရဲ့ မေတ္တာ ကတော့ ဘယ်အရာနဲ့မှ
နှိုင်းပြစရာ မရှိပါဘူး......

.......မောင် စံပယ်ကို့ဘယ်လောက်ထိ ချစ်လည်းဆိုတာ
စံပယ်သာလျှင် အသိဆုံးပါ
ချစ်တက်လွန်းအားကြီးတဲ့မောင်
ပေးဆပ်အနစ်နာ ခံနိုင်လွန်းတဲ့မောင်
နားလည်မှု့ အပြည့် ရှိတဲ့မောင်
စံပယ့်ဘဝမှာ မောင့်ကို ဘယ်အရာနဲ့မှ
နှိုင်းပြစရာမရှိခဲ့တော့ပါဘူး........

..........စံပယ်ရဲ့ ရင်တွင်းခံစားချက်ကို
ကြားသိတဲ့သူတိုင်း မောင် လိုမျိုး
စစ်မှန်တဲ့ အချစ်နဲ့ချစ်တက်တဲ့ချစ်သူမျိုး လေး
တွေ့ကြုံ ရရှိပါစေလို့ စံပယ်ဆုတောင်းပေးရင်းနဲ့
နောက်ဆုံးပြောချင်တဲ့ စကားတခွန်းက....

* အရမ်းးးးးးးးးးချစ်တယ် မောင်ရယ် ...ဘယ်တော့မှ မခွဲဘူး*

* အသည်း နင့် အောင် ချစ် တယ် *

* ပျော် ရွှင် စရာ မိသားစု ဘဝလေးကို တည်ဆောက်ကြမယ် *

* ဘဝ ဆက် တိုင်း ပေါင်း ကြမယ်နော် *



မောင့်ကို အရမ်းချစ်တဲ့ စံပယ်

၅ - ၅ - ၁၀

အချစ်ဦး

ချစ်တတ်စအရွယ်

လူငယ်တစ်ယောက်ရဲ့ 

နှလုံးသားမှာအချစ်ပန်းလေး

ဖူးပွင့်နေခဲ့လို့

ချစ်ဝတ်မှုန်လေးတွေကို

မင်းရဲ့ နှလုံးသားဆီ

ပို့ဆောင်နိုင်ဖို့ရာ

မင်းဆီကချစ်လိပ်ပြာလေးကို

မျော်လင့်လျှက်ပါ………

မိဘကျေးဇူး မြင်းမိုရ်ဦးကို အထူးကျေအောင် ဆပ်ကြပါ

မိဘတို့၏ကျေးဇူးတရားကို ယူဇနာပေါင်း ရှစ်သောင်းလေးထောင် အမြင့်ဆောင်သော မြင်းမိုရ် တောင်နှင့် ဥပမာကပ် ဂုဏ်နှိုင်းအပ်လည်း ဤမျှမြင့်ဆို ထိုမြင်းမိုရ်မှာ နွားချိုခန့်သာရှိတော့ သည်ဟု ဗုဒ္ဓမြတ်ဘုရား ဟောကြားခဲ့၏။ မိဘများသည် ဗြဟ္မာအလား စိတ်ထားပိုင်ရှင်များ လည်းဖြစ်ကြသည်။။ ကိုယ်ဝန်တည်ရာ ရှိလာသောအခါ ရောဂါကင်းပါစေ၊ အင်္ဂါခြေလက် ပြည့်စုံပါစေဟု သန္ဓေသားအား မေတ္တာပို့၏။ မွေးဖွားလာလို့ ငိုသံကြားကလည်း ကရုဏာ တရား ဖြစ်ပွားကြ၏။ သားသမီးများ လမ်းလျှောက်ပြေးလွှား ကစားကြ၍ ထိုထိုအတတ် မွန်မြတ်သည့်ပုံ တွေ့ကြုံပြန်တော့ မုဒိတာတရား ဖြစ်ပွားကြ၏။ ကိုယ့်ခြေကိုယ့်လက် မားမား ရပ်၍ အိမ်ယာခွဲကာ စီးပွားရှာနိုင်လို့ မိဘအကူ မယူရဘဲ နေသည့်အခါကျပြန်တော့လည်း သားသမီးတို့အပေါ်၌ ဥပေက္ခာတရား ပွားများကြသည့် မိဘတို့၏ ကျေးဇူးမှာကား လွန်စွာ များပြား ကြီးမားလှပါသည်။


စံပယ် ရဲ့ မောင်

အမေ့သား

တောင်ကြီးဖ၀ါးအောက်ဆိုတဲ့စကားကြားဖူးမှာပါအမေ
တောင်ကြီးဖ၀ါးအောင်ဆိုပေမယ့် တောင်သိပ်ကြီးလို့
ဖ၀ါးပေါက်ရှေ့ဆက်မလျှောက်နိုင်လို့ လမ်းဘေးထိုင်နား အရှုံးပေး
လိုက်ရတဲ့သူတွေ ဒုနဲ့ဒေရှိပါသေးတယ်အမေ
လှိုင်းကြီးလှေအောက် စကားကြာဖူးမှာပါအမေ
လှိုင်းကြီးလှေအောက်ဆိုပေမယ့် လှိုင်းသိပ်ကြီးလို့ လှေမှောက်
ရေအောက်ရောက်ပြီး အသက်ပျောက်ရသူတွေ အသင်္ချေ ရှိပါသေးတယ်အမေ
လှိုင်းမကြီးရင်လည်း လှေလှော်ရင်တက်ကျိုး ကံကြမ္မာ ဂယက်ဆိုးမှာတ၀ဲလည်လည်
ဒုက္ခရောက်ရသူတွေ အများအပြားရှိပါသေးတယ်အမေ
ဒါပေမဲ့ အမေရယ် အမေ့ရင်ဖွား အမေ့သားကတော့ အမေပေးတဲ့ အားအင်တွေနဲ့
ဘယ်လိုအခက်အခဲတွေ ပဲ လာပါစေ ကိုယ်ရောက်ချင်တဲ့ ပန်းတိုင်ကို
အရောက်သွားမှာပါမေ.......။
(အားပေးလိုက်တဲ့ မိခင် သွေးများထဲသို့စီးဝင်
အောင်ပွဲများလည်းရရှိမယ်မေမေရယ်)
အဲ့သီချင်းစာသားလေးကို အရမ်းကြိုက်တယ်.....

စံပယ် ရဲ့ မောင်

ကမ်းစပ်နဲ့ ရေလှိုင်း

ဒီတစ်ခါတော့ ဆရာအတ္တကျော်ရေးထားတဲ့
"ကမ်းစပ်နဲ့ ရေလှိုင်း "ဆိုတဲ့စာစုလေးကိုတင်လိုက်ပါတယ်
ပုဇွန်တွေမျက်စိလည်၊လမ်းမှားပြီး ကမ်းစပ်ကကျောက်ဆောင်
ကျောက်သားတွေပေါ်ကို ရောက်သွားရင် ရေထဲကို
မပြန်တက်ကြတော့ဘူးဆိုပဲ။
ဟုတ်လောက်တယ်လေ။ပုဇွန်ဆို
ဘယ်ပုဇွန်ပဲဖြစ်ဖြစ် ခြေထောက်မှမပါတာကိုး။
ဒါပေမယ့်သူတို့ ကိုယ်မှာက ငါးတွေလိုပဲရေကူးနိုင်တဲ့
အမြီးလည်းပါတယ်။ကိုယ်ကလည်းကွေးလို့ ဆန့် လို့ 
လှုပ်လို့ ရှားလို့ လည်းရနေတာပဲ။ဒါပေမယ့်သူတို့ ဟာ
အကြောင်းတစ်ခုခုကြောင့် ကမ်းပေါ်ရောက်သွားရင်
ရေထဲကိုပြန်မသွားတတ်ကြတော့ဘူး။သူတို့ တတ်တာက
ရေလှိုင်းကသူတို့ ဆီရောက်လာပြီး ရေထဲ
ပြန်ဆွဲအချကိုငံ့လင့်နေတာဆိုပဲ။
ရေလှိုင်းရောက်မလာဘူးဆိုရင်လည်းရောက်နေတဲ့နေရာမှာပဲ
ပေပြီးနေရင်းသေသွားကြသတဲ့။အမှန်တော့ နည်းနည်းပါးပါးလေးလောက်
အားထုတ်မယ်ဆိုရင် လှိုင်းအရောက်ကိုစောင့်နေစရာမလိုဘူး၊
လှိုင်းဆီကိုရောက်ကိုရောက်သွားလောက်ပါတယ်။
တစ်ခါတစ်လေများဆို လှိုင်းရေကသူတို့ နဲ့ 
ဘယ်လောက်မှမဝေးဘူး၊နှစ်ပေ၊သုံးပေလောက်ကလေးပဲရှိတာ။
ဒါလည်းသူတို့ ကတော့ မလှုပ်ဘူးခင်ဗျ။လှိုင်းတက်အလာကိုပဲ
အသေစောင့်တတ်ကြသတဲ့။
လောကမှာလည်း "ပုဇွန်လိုလူစားတွေ" အများသား။
လူတွေဟာတွေတွေဝေဝေနဲ့ အချိန်ဆွဲပြီးနေနေကြတယ်။
အားလေး၊ခွန်လေးစိုက်ထုတ်လုပ်ကိုင်ကြမယ့်အစား
ရတနာပုံကြီးက ကိုယ့်ဆီကို အလိုလိုဆိုက်လာနိုးနဲ့ 
မျှော်ကိုးနေတတ်ကြပုံကိုပြောပါတယ်။
အမှတ်မထင်ဖတ်လိုက်ရတဲ့ စာပိုဒ်ကလေးတစ်ပိုဒ်ပါပဲ။
"အပိုင်းအစများ"(Bits & Pieces) ဆိုတဲ့စာအုပ်ထဲမှာပါတယ်။
ရေးသူက Orison Swett Marden တဲ့။အဲသည့်စာပိုဒ်လေးကို
ဖတ်ပြီးစဉ်းစားမိသွားရတယ်။
ကံကိုယုံပြီးဆူးပုံနင်းတတ်သူများဟာလှိုင်းအရောက်ကို
ကျောက်ဆောင်ကျောက်ခဲခေါ်၊နေပူကျဲတောက်တောက်အောက်မှာ
ငုတ်တုတ်ကြီးစောင့်နေဖြစ်တတ်တယ်။
အသင်တို့ လည်းဘယ်လိုလူမျိုးလဲဆိုတာကို
တွေးတောစဉ်းစားနိုင်ကြပါစေဗျာ...
အပြည့်အစုံမတင်ပေးလိုက်တာတောင်းပန်ပါတယ်ဗျာ

စံပယ် ရဲ့ မောင်

ထာဝရထက်စံပယ်ကိုမောင်ပိုချစ်တယ်

(၁) အချစ်ဆိုတာ သူ့ကို ကိုယ့်နှလုံးသားထဲ တိတ်တိတ်လေး ထည့်ဖွက်ထားတာဖြစ်တယ်။ ကိုယ်ဘယ်သွားသွား သူပါတယ်။ ကိုယ်ဘယ်ရောက်ရောက် တစ်သက်လုံးသူရှိနေတယ်။

(၂) အချစ်ဆိုတာ ကိုယ့်နှလုံးသားကို သူ့ဆီမှာပဲထားတယ်။ ထွက်မပြေးဘူး၊ လျှောက်မပြေးဘူး၊ သူ့နှလုံးသားထဲမှာပဲ ကိုယ့်နှလုံးသားကို ထာဝစဉ် လဲလျောင်းစေတယ်။

(၃) "ချစ်တယ်" ဆိုတဲ့စကားက လူကိုနွေးထွေးဖို့ လုံလောက်ခဲ့တယ်။ ဒါပေမယ့် အဲဒီစကားက တစ်ဖက်သတ်မဟုတ်ဘဲ နှစ်ဦးနှစ်ဖက် နှလုံးသားချင်းထပ်ရတယ်။

(၄) စံပယ်သိလား! ကိုယ့်ကိုနားလည်တဲ့လူကို ရှာဖို့ရာ မလွယ်ကူဘူး။ ဒါပေမယ့် မောင်ကံကောင်းခဲ့တယ်။ ဘုရားသခင်က မောင့်အတွက်စံပယ့်ကို စွန့်ကျဲခဲ့တယ်။ ရိုးရိုးရှင်းရှင်းစကားကို မောင်အားမနာတမ်းပြောချင်တယ် "စံပယ်ကိုချစ်တယ်"...

(၅) စံပယ့်ကိုချစ်တာ ခံစားမှုတစ်မျိုး၊ စံပယ့်ကိုလွမ်းတဲ့အလွမ်းက မောင့်ကိုပျော်စေတယ်၊ စံပယ့်ကိုဖက်ထားရတာ မောင့်အတွက် မှီခိုမှုတစ်မျိုးပေါ့။ စံပယ့်ကိုနမ်းတော့ ကြည်နူးရတယ်။ စံပယ်ဟာ အမြဲတမ်း မောင်ရဲ့ပျော်ရွှင်ခြင်းပေါ့ကွယ်...

(၆) အရင်က စံပယ်နဲ့မောင်မသိခဲ့လို့ "အချစ်"နဲ့ မောင်လမ်းလွဲခဲ့ရတယ်။ ခုတော့ မောင့်ဘဝထဲ စံပယ်အပိုင်စီးဝင်လာခဲ့ပြီ။ အထီးကျန်ခဲ့ဖူးတဲ့ မောင့်နေ့ရက်နဲ့ ပျော်ရွှင်ခြင်းတွေ ပြည့်နေမယ့် မောင့်အနာဂတ်ကို စံပယ်တာဝန်ယူပေးပါ။

(၇) ထာဝရထက် စံပယ့်ကိုမောင် တစ်ရက်ပိုချစ်တယ်။ ဘယ်အချိန်ပဲဖြစ်ဖြစ် စံပယ့်ကိုမောင် လွမ်းတယ်။ စံပယ့်ဘေးမှာ မောင်မရှိပေမယ့် မောင့်အလွမ်းထဲမှာ စံပယ်အမြဲရှိတယ်။ မောင့်နှလုံးသားထဲမှာ စံပယ်နေရာအပြည့်ယူထားတယ်။

(၈) မောင့်ဘဝထဲ စံပယ်ရောက်မလာခင် မောင်ဟာနေ့ည မခွဲခြားတဲ့ တေလေငှက်တစ်ကောင်လို့ လူ့ပင်လယ်ထဲမှာ လမ်းပျောက်နေခဲ့တယ်။ စံပယ်ဟာမောင့်ရဲ့ ဓူဝံကြယ်ပါ။ စံပယ့်နှလုံးသားမှာ ခိုလှုံနိုင်ဖို့ မောင့်ကိုအလင်းပေး လမ်းညွှန်ခဲ့တယ်။

(၉) မောင်တို့က တောင်ပံတစ်ဖက်စီသာ ရှိကြတဲ့ အိန်ဂျယ်တွေပါ။ နှစ်ယောက်ပွေ့ဖက်ပေါင်းစပ်မှ ပျံသန်းနိုင်မှာဖြစ်တယ်။ စံပယ် မောင့်ရဲ့တောင်ပံတစ်ဖက် လုပ်နိုင်မလား?

(၁ဝ) တစ်နေ့မှာ ပျော်ရွှင်ခြင်းက ဘယ်မှာလဲလို့ စံပယ်မေးလာခဲ့ရင် ပျော်ရွှင်ခြင်းက လေထဲမှာလို့ စံပယ်ကိုမောင် တိုးတိုးလေးပြောပြမယ်။ စံပယ်ရှုရှိုက်လိုက်တဲ့ လေတိုင်းမှာ စံပယ့်ကိုမောင်ပေးမယ့် ပျော်ရွှင်ခြင်းတွေ ပါဝင်နေခဲ့တယ်။


စံပယ် ရဲ့ မောင် (27.4.2010)

မောင်!...စံပယ်ကိုဘယ်လောက်ချစ်လဲဟင်...

အခုအချိန် မောင်ဘယ်လောက်လွမ်းနေတယ်ဆိုတာ စံပယ်သိမှာ မဟုတ်ဘူး...

အချစ်တွေ အလွမ်းတွေ လုံးဝစိတ်မ၀င်စားဘူးလို့ ပြောခဲ့တဲ့မောင်......

အခုတော့စံပယ်ချစ်တာထက် မောင်ပိုချစ်နေမယ်...စံပယ်လွမ်းတာထက် မောင်သေလောက်အောင် ပိုလွမ်းနေတယ်...မောင်မျှော်လင့်နေပါတယ်...မောင်တို့နှစ်ယောက်ရဲ့ ပျော်ရွှင်စရာမိသားစုဘ၀လေးဖြစ်လာမယ့် တစ်နေ့ကိုပေါ့...ဖြစ်လာမယ်လို့ ယုံကြည်နေခွင့်ရှိတယ်...ယုံကြည်နေမယ်...

ပေးဆပ်ခဲ့တဲ့ အချစ်တွေကြောင့်လည်း အကျိုးတစ်စုံတစ်ရာ ရယူချင်တဲ့ စိတ် မောင့်မှာ မရှိပါဘူး..
အချိန်တိုင်း စံပယ့်နားမှာ နေ့ရက်တိုင်း စံပယ့်ဘေးမှာ ဖြတ်သန်းနေရတဲ့ ဘ၀ကို မောင်လိုလိုလားလား ခံယူထားတာပါ...စံပယ် ဘယ်လို အခက်အခဲတွေရှိရှိ ရင်ဆိုင် ဖြေရှင်းပါ... မောင့်ဘ၀ကို နင်းချေသွားမယ်ဆိုလည်း မောင်ကျနပ်နေမယ်.....

အရင်တုန်းက ဖြစ်ချင်ရာဖြစ် လုပ်ချင်ရာလုပ်တက်တဲ့ `မောင်` အရမ်းတော်တဲ့ `စံပယ် `နဲ့ တွေ့ပြီးနောက်မှာ သူများတွေ သြချလောက်အောင်မောင်လိမ်မာခဲ့တယ်...စံပယ် ပေးခဲ့တဲ့ သတ္တိတွေပါ...ပြန်တွေးကြည့်ရင် ရှုပ်ခဲ့ ပွေခဲ့တာဘာမှမရှိခဲ့ပါဘူး စံပယ် နဲ့ မတွေ့ရှိခင်က တဇောက်ကမ်းလုပ်တက်တဲ့အကျင့်လေးတစ်ခုထဲပါ...

အခု စံပယ်သာ မောင့်ဘ၀ စံပယ်သာ မောင့်အိမ်မက် စံပယ်သာ မောင့်ပဲ့ကိုင်ရှင် မောင်ဘ၀ရဲ့ သခင်ပါ...
စံပယ် စေလိုရာစေ ထားလိုရာထား မောင့်ပျော်ရွှင်မှုပါ....

ရင်ခုန်သံတွေရဲ့ ထိန်းချုပ်ခြင်းအောက်မှာ ရုန်းမထွက်နိုင်လောက်အောင် မောင့်နတ်သမီး ဖမ်းစားခဲ့တယ်...
ပုံရိပ်တွေမှာလည်း စံပယ့် မျက်နှာသာ မြင်ယောင် အမှောင်ကျနေတဲ့ မောင့်ကို ကယ်တင်ပေးခဲ့တာ စံပယ်ပေါ့...

နောင်လာမယ့် နေ့သစ်တွေအတွက်လည်းမောင်တို့နှစ်ယောက်ဘ၀လေးကို မောင်ကြိုးစား တည်ဆောက်မယ်...
စံပယ် နဲ့ မောင် နှစ်ယောက် သီးသန့် ကမ္ဘာလေးကို မောင် ရင်ခုန်ခြင်းများစွာနဲ့ စောင့်မျှော်နေပါရစေ...............။

စံပယ် ရဲ့ မောင်

(ကျွန်တော်ကိုသူကဘယ်လောက်ချစ်လဲတဲ့? ကျွန်တော်ကဒီကဗျာလေးနဲ့ဖြေလိုက်တာပါ...။)

အဖေ

* ဖေချစ်တို့ ဖေခင်တို့ ဆိုတာ ရှိတော့ ရှိတယ် ရှားတယ်ဆိုတာမျိုးလိုပါ ။

* အလုပ်မှာ တစ်နေကုန်နေရတော့ အဖေ့ကို နေ့စဉ် ရင်ခွင်ပိုက် နို့ချိုတိုက်ခဲ့တဲ့ အမေ့လောက်တော့ ချစ်အားမပိုတာ ဓမ္မတာ ဖြစ်နိုင်ပါတယ် ။

* အဖေဆိုတာလည်း သားသမီးကို ချစ်လျက်နဲ့ ကြောက်အောင် နေပြရတဲ့ ဖန်တီးရှင်မဟုတ်ပါလား ။

* ဒါပေမဲ့ အဖေသာ ရှင်ဘုရင်ကြီးဖြစ်ခဲ့ရင် သားသမီးတွေဟာ အိမ်ရှေ့စံမင်းသား ၊ မင်းသမီးလေးတွေ ဖြစ်လာနိုင်တာပေါ့ ။

* အဖေက ချမ်းသာကြွယ်ဝပြန်တော့လဲ သူဌေးသားသမီးတွေ ဖြစ်ပြန်တာပဲ မဟုတ်လား ။

* အဖေက ကုသိုလ်ရဖို့ ၊ ပညာရဖို့ ၊ ငွေရဖို့ မိသားစုတာဝန်ကျေဖို့ အလုပ်လုပ်နေတာပါ ။

* ဆူးမွေ့ယာလဲ မအိပ်ခဲ့ ၊ ပန်းမွေ့ယာလဲ မစံခဲ့ရပေမဲ့ မငြီးရှာ နှီးဖြာလေးပေါ်က မိသားစုသိုက်မြုံလေးကိုတော့ အဖေ့ဦးနှောက်နဲ့ ကြွက်သားတွေပေါ်မှာ သာယာဖူလုံမှုများနဲ့ လွမ်းခြုံနေနွေးထွေးစေပါတယ် ....။

* ဖောက်ပြန်မှုကင်းမဲ့စွာနဲ့ နှစ်ကိုယ်ပေါင်းတစ်စိတ် နှစ်ယောက်ပေါင်းတစ်ဘ၀ဇြစ်အောင် မေတ္တာတွေ အစဉ်အပိုင်ပေးပြီး အမေ့အတွက်နားလည်မှုအရှိဆုံးဟာ အဖေရယ်ပါ ..။

* အိမ်နီးချင်းဆိုတာ ကလေးချင်းကြောင့် မိန်းမချင်းကြောင့် ခြံမြေတွေကြောင့် စကားများတတ်တယ်ဆိုတဲ့ အဖေ့စကား မိသားစုတိုင်း အလွန်မှတ်သားလိုက်နာသင့်တဲ့ အချက်တွေပါ ..။

* သောက်တယ်ဆိုတာ " အိမ်ထောင်ရေး ၊ စီးပွားရေး ၊ ကျန်းမာရေး ၊ လူမှုရေးတွေကြောင့် မပျက်စီးစေရဘူး " ဆိုတာ အဖေ့နီတိ ( လမ်းညွန်) ပါ ...။

* အဖေဟာ အလှချစ် ဓနအချစ်မပါ မေတ္တာချစ်သက်သက်နဲ့သာ အိမ်ထောင်ရေးကို တည်ထောင်ထားသူပါ ...။

* ဒါကြောင့် အဖေ့မိသားစုဟာ ငွေမချမ်းပေမယ့် စိတ်ချမ်းသာတဲ့ လူတန်းစားမှာတော့ ထိပ်ဆုံးကပါ ...။

*ကြွေးဟောင်းလဲဆပ် ကြွေးသစ်ထပ် နှစ်ရပ်တာဝန် ကျေပွန်ခဲ့တဲ့ အဖေ ...။

* သားသမီးဆန်းသမျှ နွမ်းလှတဲ့ အ၀တ်လေးတွေနဲ့ တင့်တယ်နေတဲ့ အဖေ ...။

* သားသမီးကို ပခုံးပေါ်တင် ဆံပင်ကိုကိုင်စေပြီး စတိုင်ကျကျ ပွဲပြခဲ့ဘူးတဲ့ အဖေ ...။

* သားသမီးအတွက်ဆို အသာမစံ အနာသာခံ သက်သက်ဟာ အဖေလို မိဘတွေမှလွဲလို့ အခြားမရှိ..။

* ရေချိုးတော့ချမ်း အဖေ့ပုဆိုးကြမ်းလေးနဲ့ နွေးထွေးခဲ့ဘူးတယ် ...။

* အဖေက ကောင်းစေချင်လို့ ဆုံးမသမျှ အသားနာစေခဲ့ပေမဲ့ ဘ၀မနာစေရပါဘူး ...။

* ခုတော့ အဖေ့မှာ ခေတ်ဆန်ပညာတတ်သားသမီးတွေကြား ရှေးရိုးအဘိုးကြီးဖြစ်ခဲ့ရပါပြီ ...။

* ရွေပုံ ငွေပုံဘေးမှာ မြေးကိုထိန်း ပေးတာယူ ကျွေးတာစား လှိုင်သောအပြုံးစကားများနဲ့ နှောလို့ အားနာနေတာလား ---------အားငယ်နေတာလား ------အဖေရယ် .....။

* အဖေ.....ရေ ခေါ်လို့ ထူးမည့်သူမရှိတဲ့ တစ်နေ့မှာ အဖေ့ပုံရိပ်တွေက လှိုင်သောအပြုံးစကားများနဲ့ စောင့်ရှောက်ပေးနေအုန်းမှာပါ ....။

* ဒီလောကကြီးထဲမှာ အဖေနဲ့ တူတဲ့ အဖေမျိူးတွေ တဖြုတ်ဖြုတ်ကြွေလွင့်သွားကြရင်တောင် များများကြီး ရှိရှိလာနိုင်ပါစေလို့ ဆုတောင်းလျှက် ..............................................................။

စံပယ် ရဲ့ မောင်

အမေစကား

အတူနေစဉ်အချိန်တွေမှာ
အမေ့စကားတန်ဖိုးမဲ့စွာ
ခွဲခွာရမှသတိရ
အမေစကားအဖိုးတန်လှ....။
အမေနဲ့ နေ့စဉ်အချိန်တွေကို
သတိရရင်းလွမ်းစိတ်ပို
အခုချိန်ခါမှာကျွန်တော်တမ်းတ
မေနဲ့အဝေးသို့ ရောက်တော့မှ....။
အောင်မြင်မှုအမှန်ရရှိမှာ
အမေ့စကားနားထောင်ပါ
ဘ၀တစ်သက်တာ
ကျင့်သုံးသွား
အမေစကားမြေ၀ယ်မခြား......။


စံပယ် ရဲ့ မောင်

ငါသည်တစ်ခေတ်

မွေးရပ်ဌာနေ ၊ အမိမြေမှ
ထွက်ခွာဝေးရောက် ၊ ပြည်ပရောက်မှ
နိုင်ငံ့တန်ဖိုး ၊ အမျိုးမျိုး ကို
သိမြင်ခံစား ၊ နားလည်မိလည်း
တိုင်းပြည်အကျိုး ၊ င့ါလူမျိုးတွက်
ပေးအပ်တာဝန် ၊ ကျေပွန်စေရေး
သုံးရန်ဥာဥ့်ဝယ် ၊ ဥာဥ့်တစ်ရန်သာ
အိပ်စက်နားယူ ၊ သင်ယူနေ၍
ပေးမျှ Lecture ၊ မလွတ်စေရ
အားမာန်အပြည့် ၊ တတ်ကြွစိတ်နှင့်
လူငယ်ပီပီ ၊ ဖြတ်လတ်မြန်ဆန်
ဖြတ်ထိုးဥာဏ်နှင့် ၊ သင်ယူစာပေ
ကြိုးစားနေ၍ ၊ သို့ပေသတည်း
ငါ့နိုင်ငံတော် ၊ ငါ့လူမျိုးအတွက်
" ငါသည် တစ်နေ့......."
" ငါသည် တစ်ချိန်........"
" ငါသည် တစ်ခေတ်......"
ဖြစ်စေသော်......။

သွေးဇာဏီ

မောင့်မူပိုင်ရှင်

တစ်ဘ၀လုံးအတွက်
အချစ်တွေအကုန်ပေးလို့
ရင်တစ်ခုလုံးကြေမွအောင်
ချစ်ရပါတယ်ချစ်သူ.......။
အတူမနေရလို့
တစ်ယောက်နဲ့တစ်ယောက်
အချစ်တွေပိုပြီး
ရန်တွေဖြစ်ကြ
ပြန်ချစ်လိုက်ကြနဲ့
အချိန်တွေကိုဖြတ်သန်းခဲ့ကြတယ်........။
နှလုံးသားရဲ့ ပိုင်ရှင်
အနာဂတ် ရဲ့ သခင်
မောင့်ဘ၀ရဲ့ ထာဝရ
မူပိုင်ရှင်ပေါ့.......။
တစ်သက်လုံး
မခွဲအတူ
အမြဲယှဉ်တွဲလို့
နောင်ဘ၀ဆက်တိုင်းပေါင်းကြဖို့
ဆုတောင်းကြမယ်
မောင့်မူပိုင်ရှင်ရယ်................။

စံပယ် ရဲ့ မောင်

For U

ကိုယ်ရှင်းပြနိုင်တာထက်

အဲဒီ ဂရုစိုက်တယ် အဲဒီ ခံစားမှုဟာ

ကိုယ့်အဖို့ ပိုအဖိုးတန်

ပိုပြီး အထူးဖြစ်ပါတယ်..

ဒါပေမဲ့ အဲဒါကို ပြောပြဖို့  ကြိုးစားခွင့်ပြုပါ..

ဂရုစိုက်တယ်လို့  ပြောဆိုတဲ့အခါမှာ နားလည်ဖို့ အတွက်

တတ်နိုင်သမျှ အရာရာကို လုပ်မယ်လို့ အဓိပ္ပာယ် ရတယ်..

ကိုယ်ဘယ်တော့မှ မင့် ကို ထိခိုက်အောင် မလုပ်ဘူး ဆိုတာပါပဲ..

မင်းကိုယ့်ကို ယုံကြည်နိုင်ပါတယ်လို့ ဆိုလိုပါတယ်..


ဘာမှားနေသလဲဆိုတာ မင်းကို ပြောပြနိုင်ပါတယ်လို့ 

အဓိပ္ပာယ် ရတယ်..

ကိုယ်ပြုပြင်နိုင်သလောက် ပြုပြင်ပေးမယ်

မင်းကိုယ့်ကို ကြားစေချင်တဲ့အခါမှာ

နားထောင်ပါ့မယ်..

မင်းရဲ့  အခက်ခဲဆုံးအချိန်မှာတောင်မှ

မင်းလုပ်ရမှာက

ပြောပြဖို့ ပါ..

မင့်လက်နဲ့  ကိုယ့်လက်ဟာ

ဘယ်တော့မှ ဝေးကွာကြမှာ မဟုတ်ပါလို့  ဆိုလိုရဲ့ …

အဓိပ္ပာယ်က မင်း ကိုယ့်ကို စကားပြောတဲ့ အခါ

အပြုံးနဲ့ ပြောသည်ဖြစ်စေ

မျက်ရည်နဲ့ ပြောသည်ဖြစ်စေ

နှလုံးသားနဲ့  နားထောင်မှာပါ..။

စံပယ် ရဲ့ မောင်

မျက်ဖြေလကာင်္

သူတည်းတစ်ယောက် ကောင်းမှုရောက်မူ

သူတစ်ယောက်မှာ ပျက်လင့်ကာသာ

ဓမ္မတာတည်း ။

ရွှေအိမ်နန်းနှင့် ကြငှာန်းလည်းခံ

မတ်ပေါင်းရံလျက် ၊ ပျော်စံရိပ်ငြိမ်

စည်းစိမ်မကွာ ၊ မင်းချမ်းသာကား

သမုဒ္ဒရာ ၊ ရေမျက်နှာထက်

ခဏတက်သည့် ရေပွက်ပမာ

တစ်သက်လျာတည်း ။

ကြင်နာသနား ၊ ငါ့အားမသတ်

ယခုလွှတ်လည်း ၊ မလွတ်ကြမ္မာ

လူတကာတို့ ၊ ခန္ဓာခိုင်ကြည်

အတည်မမြဲ ၊ ဖောက်လွှဲတတ်သည့်

အချွတ်စသာ ၊ သတ္တ၀ါတည်း ။

ရှိခိုးကော်ရော် ပူဇော်အကျွန်

ပန်ခဲ့တုံ၏ ၊ ခိုက်ကြုံဝိပါက်

သံသရာစက်၌ ၊ ကြိုက်လတ်တွန်မူ

တုံ့မယူလို ၊ ကြည်ညိုစိတ်သန်

သခင်မွန်ကို ၊ ချန်ဘိစင်စစ်

အပြစ်မဲ့ရေး ၊ ခွင့်လျှင်ပေး၏

သွေးသည် အနိစ္စာ၊

ငါ့ခန္ဓာတည်း ။


အနန္တသူရိယအမတ်ကြီးရဲ့တစ်ပုဒ်တည်းနဲ့မြန်မာကဗျာသမိုင်းမှာ
ရာဇ၀င်တွင်ခဲ့ရတဲ့ရတုပါ...။

ဖြစ်ချင်တဲ့ ဆန္ဒ

လွမ်းတယ် (အနေဝေးရင်)
ပိုင်ဆိုင်ချင်တယ် (တစ်ဘ၀စာ)
အရမ်းချစ်တယ် (တစ်သက်လုံး)
သတိရတယ် (မတွေ့ရတဲ့အခါ)
အတူနေချင်တယ် (လိုက်လျောရင်)
နမ်းချင်တယ် (ဖြူစင်စွာ)
ထိုင်ကြည့်ချင်တယ် ( 24 နာရီ)
ချော့သိပ်ချင်တယ် (ညတိုင်း)
သီချင်းဆိုပြချင်တယ် (အိပ်ခါနီး)
မျှော်လင့်ချင်တယ် (ရင်ခုန်စွာ)
အရမ်းပြန်ချစ်ပါ (အလိုလားဆုံး)
အရမ်းဂရုစိုက်ပါ (အမြဲ)
မမုန်းဘူး (ဘယ်တော့မှ)
လက်ကလေးကိုင်ချင်တယ် (ခွင့်ပြုရင်)
အဆင်မပြေဘူး (မင်းမရှိတဲ့အချိန်)
မခွဲနိုင်ဘူး (ယုံ)
ထပ်ကာထပ်ကာပြောချင်တယ် ( I Love You )................။

အချစ်…. စောင့်မျှော်ခြင်း

လူ့ဘ၀မှာ ဘယ်လောက်နေရမယ်ဆိုတာ သင်သိနိုင်လား
ရေစက်ဘယ်ချိန်ထိရှိတယ်ဆိုတာ သင်သိနိုင်လား
ဒါပေမဲ့ အချစ်က တစ်ဘ၀လုံးရှိသွားမယ် လက်တွဲဖော်အဖြစ်။
တစ်ဘ၀လုံးမှာ ဒီအချစ်တစ်ခုကိုရှာဖွေမယ် မြတ်နိုးမယ် တွယ်တာမယ်
အချစ်စစ်မှန်ရင် မတောင်းတပဲဆုံတွေ့လိုက်ရတာပါပဲ။
စောင့်မျှော်ခြင်းနဲ့ပေးဆပ်ခြင်းရှိမယ်။ တစ်ဘ၀လုံးကို ပေးဆပ်နေရပါစေ။

နှလုံးသားတိုင်းမှာ အချစ်ဆိုတဲ့ အခန်းငယ်လေးရှိတယ်။ အခန်းငယ်လေးက ကိုယ်ချစ်တဲ့သူရဲ့ မြတ်နိုးမှု လိုလားမှု လက်တွဲမှု ထာဝရတွေကို မျှော်လင့်နေတာပါ။
လူတိုင်းမှာ တွေ့ဆုံသင့်တဲ့ အချစ်ကိုယ်စီရှိပါတယ်။ မလွဲခဲ့ရင်ပေါ့။
ဒီအချစ်စစ်တစ်ခုအတွက် အခန်းငယ်ရဲ့ တံခါးကို ပိတ်မိမယ် ဖွင့်မိမယ်။ ဘယ်သူများကိုယ့်တံခါးကို ဖွင့်မလဲဆိုတာကို မျှော်လင့်နေကြတယ်။

အချစ်က ၀ိုင်အရက်ဖြစ်သွားရင်
ဝိုင်တစ်ခွက်ကို သောက်နေရသလို လွမ်းဆွေးဆွေးလေးဖြစ်နေမယ်။ ဘာကို တောင်းတမိနေမှန်းမသိဘူးဖြစ်နေမယ်။
အချစ်ဟာ အရက်နဲ့ တူရင် မေ့ရခက်မယ်။
အချစ်က ကော်ဖီတစ်ခွက်ဖြစ်ရင်
ခါးခါးလေးနဲ့ အရသာရှိမယ် သောက်ပြီးရင် ချိုမြိန်နေမယ်။ ဒီလို ကော်ဖီတစ်ခွက်ဟာ စွဲလန်းစေမှာပါ။

အချစ်ဟာ ရေနွေးကြမ်းတစ်ခွက်ဖြစ်ရင်
သောက်ရတာအရသာမရှိပေမဲ့ ပေါ့ပါးမယ်။ ဒါပေမဲ့ စောင့်မျှော်ခြင်းနဲ့ ပေးဆပ်နေရမယ် ဆိုပြီး ဖြစ်လာမယ်။ ရေနွေးကြမ်းနဲ့ တူရင်တော့ ရိုးရိုးလေးနဲ့ ခိုင်မြဲနေမယ်။

အချစ်ဟာ ကျယ်ပြန့်လှတဲ့ ပင်လယ်နဲ့ တူရင်
လူ့လောကကို အလှဆင်တဲ့ ခရုခွံလေးနဲ့တူမယ်။ ပင်လယ်နဲ့ တူရင် အချစ် သံယောဇဉ် နာကျင်မှု ယူကျူံးမရမှုတွေရှိနေတယ်။

အချစ်က ထူးဆန်းလျှို့ဝှက်တဲ့ နန်းတော်ဖြစ်နေမယ်ဆိုရင်
လူသူမသိတဲ့ ပုံပြင်လေးတွေရှိနေမယ်။ နန်းတော်ထဲကို အမြဲတမ်းတွေးဆ မှန်းမျှော်နေမယ်။ အချစ်တိုင်းမှာ လှပမှုရှိသလို ငြီးငွေ့မှုလဲရှိနေမယ်။
မူးရစ်စေတဲ့ အချစ်လား တစ်ဘ၀လုံး နာကျည်းမှုနဲ့ ဆက်လျှောက်နေရတဲ့ အချစ်လား။
အချစ်က ပျော်ရွှင်စေနိုင်သလို ၀မ်းနည်းမှုလဲပေးနေပါတယ်။

အချိန်တွေက တရွေ့ရွေ့သွားနေပါတယ်။ ဒါပေမဲ့ အချစ်ကတော့ မကုန်ပါဘူး။ စောင့်မျှော်တာလဲ စောင့်မျှော်ဆဲပါ။ အချစ်ဆိုတာ ကုန်သွားနိုင်တဲ့အရာမဟုတ်ပါဘူး။
အရင်ဘ၀ကသာ မမျှော်လင့်ခဲ့ရင် ဒီဘ၀မှာထပ်ဆုံနိုင်မှာလား။
သင်ပိုင်ဆိုင်နိုင်တဲ့ အချစ်ဆိုတာ သင်ပေးဆပ်ရမဲ့ သင်ချစ်သူရဲ့စောင့်မျှော်ခြင်းပါပဲ။

လွမ်းရမှာသိတယ်။ မလွမ်းအောင် သင်ပေးဆပ်လား။
မိုးလောက်မြင့် ပင်လယ်လောက်ကျယ်တဲ့ သစ္စာစကားတွေမလိုဘူး။
မျှော်လင့်နေတယ်ဆိုတာ အဆုံးသတ်မရှိတဲ့ စောင့်စားမှုပါ။
ဒီလိုမှ အချစ် ဆိုတာ စစ်မှာပါ။

အချစ်ကပေးတဲ့နာကျင်မှုတွေ ဒဏ်ရာတွေကိုငါရထားတယ်။ ခါးသီးတဲ့ အဖြစ်တွေ ချိုမြိန်တဲ့ အဖြစ်တွေလဲ ရှိတယ်။ ဒီအချစ်အတွက် မျှော်လင့်မှုက ပြတ်သားနေသေးတယ်။ ဒီအချစ်အတွက် ရင်ခုန်မှုကလဲ ကြားနေရသေးတယ်။ နှလုံးသားထဲက အခန်းငယ်လေးမှာ နွေးထွေးတဲ့ မီးအိမ်လေးကို ထွန်းထားတယ်။ ပြတင်းပေါက်လေးကို ဖွင့်ပြီး ကောင်းကင်က ကြယ်လတွေကို အတူတူကြည့်ဖို့ မင်းကို စောင့်နေတယ်။ မင်းရဲ့အချစ်နဲ့ ငါ့ရဲ့နှလုံးသားကို နေရောင်ခြည်တွေလို ထွန်းလင်းတောက်ပပေးပါ။ မနက်တိုင်းမှာ နွေးထွေးတဲ့ နေရောင်ကပွေ့ဖက်ပြီး ညတိုင်းမှာ လင်းလက်တဲ့ ကြယ်လေးတွေရဲ့ အနမ်းကို လိုချင်တယ်။
ငါနားလည်တယ်။

တစ်မိုးအောက်

♣♣♣ မြေကမ္ဘာကြီးရဲ့အပေါ်
ကောင်းကင်တစ်ခုတည်းအောက်
ရှင်သန်ခွင့်တူညီနေသရွေ့
မဝေးဘူးဆိုပေမယ့်လည်း....

♣♣♣ ချစ်ခြင်းတွေ ရှင်သန်နေရင်
တို့နှစ်ယောက်ရဲ့ကြား
ဘယ်လိုအရာမျိုးနဲ့မှ
ကာဆီးမထားဘူးဆိုပေမယ့်လည်း...

♣♣♣ အနားမှာအတူရှိမနေတာကလွဲရင်
ပျော်ရွှင်ခြင်း၊ ၀မ်းနည်းခြင်း၊
ပြည့်စုံခြင်း၊ လိုအပ်ခြင်း
အားလုံးကို ထပ်တူဆိုပေမယ့်လည်း....

♣♣♣ စံပယ်ရေ
မောင်ရင်ထဲက အလွမ်းတွေကို...
စာနာနားလည်ဖို့ အခွင့်ရှိမယ်ဆိုရင်
တစ်မိုးအောက် မှာ နေခွင့်ပြုပါနော်...။

စံပယ် ရဲ့ မောင်

အဖော်

ဘ၀လမ်းခရီးမှာ..........
သာယာတဲ့ အခါရှိသလို
ငိုရတဲ့အချိန်
မှေးမှိန်တဲ့ အလှည့်
ပျော်ရတဲ့ အခါ
နာခဲ့ရ တစ်လီ
တစ်လှည့်စီရှိမှာပဲပေါ့........။
အဲ့ဒီတော့ လက်တွဲဖော်ဆိုတာ
သာယာဝမ်းနည်း
ပျော်လည်းအတူ
ငြူစူစိတ်မဲ့
အရိပ်ပမာ
မခွဲမခွာ
အမြဲအတူ
သူဖြူကိုယ်မမည်း
သူမည်းရင်ကိုယ်မဖြူ
ညီတူစိတ်ထားနဲ့
တစ်ခရီးတည်းသွားသော်
အဲ့ဒါ........အဲ့ဒါ အဖော် ပေါ့................။

စံပယ် ရဲ့ မောင်

မေ

♥♥♥ နွမ်းလို့ ရယ်ခွေ
ချမ်းလို့ ရယ်မပြေ
ဟိုတစ်နယ်သည်အဝေးထိကို
နှောင်းခင်ရယ်လာမချော့နိုင်တော့
မောင်...အလွမ်းပင်လယ်ကို
ဖြတ်ကျော်ရဦးမှာပေါ့....မေ....။

♥♥♥ အခွင့်ရယ် မမျှော်သာ
နှစ်တွေအတော်ကြာအောင်
ခွဲခွာနေရမဲ့ရှေ့ရေး
မောင်မတွေးရဲဘူး မေ....။

♥♥♥ ဆောင်းဝင်္ကပါ တစ်ပတ်အကြော့
အချမ်းကမ္ဘာမှာ မောင်နေရတော့
အလွမ်းသံသရာရယ် ရှည်ပေါ့...မေ...။

♥♥♥ တကယ်တော့မျက်ရည်ဆိုတာ
အသံမထွက်တဲ့ ကြေကွဲမှုတစ်ခုပါ
သိပ်ချစ်လို့ ခွဲခွာရတဲ့ အဖြစ်ကိုငါမလိုချင်ဘူး
အတိတ်အကြောင်းတွေကိုမေ့ပြီး
အနာဂတ်ဘ၀မှာ ပျော်ပျော်နေရအောင်လား...မေ.......။


စံပယ် ရဲ့ မောင်

ချစ်သူအလှ

ရေခဲမြစ်တွေဟာ
တောက်ပတဲ့ နင့်အပြုံးကြောင့်
အရည်ပျော် စီးဆင်းသွားကြတယ်
အချိန်တန်လို. ဖူးပွင့်လာတော့မယ့်
ပန်းပွင့်တွေ နင့်အလှအောက်မှာ
ပြန်လည် ဖူးငုံသွားရတယ် ...
အဲဒီလို လှပလွန်းတဲ့နင့် ကို
ဟောဒီ ဆောင်းအကုန်
နွေဦးညအလယ်မှာ
အနာဂတ် ရဲ့ စိတ်ကူးယဉ်
အိမ်မက်တွေနဲ့
တမ်းတ လွမ်းဆွေးနေတယ်ဆိုတာ
သတိရ ပေးပါချစ်သူ..........။


စံပယ် ရဲ့ မောင်

ကျွန်တော်ချစ်သူ

ကျွန်တော်မှာ အရမ်းချစ်ရာကောင်းတဲ့ချစ်သူတစ်ယောက်ရှိတယ်...
သူမ ဘယ်လိုဘဲနေနေ ကျွန်တော်အတွက်ကတော့ သူမဟာအရမ်းကို
ချစ်ဖို့ကောင်းပါတယ်....ကျွန်တော်တို့ နှစ်ယောက် နေ့တိုင်း အချိန်တိုင်း
တွေ့ဖြစ်ကြပါတယ်...“As Good as It Gets” ရုပ်ရှင်ထဲက မင်းသား
Jack Nicholson က မင်းသမီး Helen Hunt ကို ချီးကျူးသလိုပေါ့။
“မင်းကြောင့် ငါလူကောင်းတစ်ယောက် ပိုဖြစ်ချင်ခဲ့တယ်” ဆိုတဲ့အတိုင်း
ကျွန်တော်တို့ တစ်ဦး အပေါ်တစ်ဦးနားလည်ခဲ့ကြတယ်...လူကောင်းတွေပိုဖြစ်ချင်ခဲ့ကြတယ်။
ဖုန်းထဲက သူမရဲ့ "ဟလို" ဆိုတဲ့ အသံကိုကြားရုံနဲ့ သူမစိတ်ညစ်နေမှန်း
ကျွန်တော်သိတယ်။ နားလည်ပေးမှု ဆိုတာ ဘာလဲဆိုတာကို ကျွန်တော်စတင်
သဘောပေါက်လာတယ်။ ဟတ်ချိုးချေတိုင်း ပါးစပ်ပိတ်တတ်တဲ့ သူမကို "မောင်တို့
ကလင်မယားအတိုင်းပဲ ပုံစံတူတယ်" လို့ ရီးပြီးပြောလိုက်တိုင်း သူမကြောင့် လွတ်လပ်
မှုဆိုတာ ဘာလဲဆိုတာကို ကျွန်တော်စသဘောပေါက်လာတယ်။
"မောင်လုပ်လိုက်မယ်" ဆိုတဲ့ ကျွန်တော်ရဲ့ ဦးဆောင် မှုကြောင့် ဘယ်လိုဆုံးဖြတ်ချက်ချရင်
ကောင်းမလဲဆိုတဲ့ ဦးနှောက်စားတဲ့ ကိစ္စတွေကို သူမတွေးတောစရာ မလိုတော့ဘူး။
"ဆောရီး" ဆိုပြီး ကျွန်တော်အပြစ်တွေအတွက် ချော့ လာတတ်တဲ့ ကျွန်တော်ကြောင့် သူမဆိုးချင်တိုင်း
ဆိုးခွင့်ရခဲ့တယ်။ ညအိပ်ရာမ၀င်ခင်ဖုန်းဆက်ပြီး နှစ်နှစ်ခြိုက်ခြိုက်အိပ်ဖို့ ပြောတက်တဲ့ ကျွန်တော်ကြောင့်
ညအမှောင်ရောက်လာမှာကို သူမ မကြောက်တော့ဘူးလို့ ကျွန်တော်ထင်ပါတယ်။
"မကြောက်ပါနဲ့.. ချစ်သူ အနားမှာ မောင်အမြဲရှိတယ်" ဆိုတဲ့ ကျွန်တော်ရဲ့ အားပေးစကားကြောင့် ဘ၀ကို
ရင်ဆိုင်ဖို့ သူမ မှာ ယုံကြည်မှုတွေ ပိုရပါလိမ့်မယ်။ သူမဘေးနားမှာ ကျွန်တော် အမြဲတမ်းရှိနေတယ်ဆိုတာ
သူမသိပါတယ်။ 24 နာရီ ရဲ့ စက္ကန့်တိုင်းမှာ သူမကိုလွမ်းနေတယ်ဆိုတာ သူမသိပါတယ်။ ကျွန်တော်ရဲ့ အချစ်ကို
သူတန်ဖိုးထားသလို ကျွန်တော်ရဲ့ အားနည်းချက်တွေကိုသူမကချစ် သတဲ့။ ကျွန်တော်ရဲ့ အကြင်နာ၊ အယုယ တွေကသူမအတွက်ပဲလေ။ အရမ်းချစ်ပါတယ်ချစ်သူ......။ ဘယ်တော့မှမပြောင်းလဲတဲ့အချစ်တွေနဲ့ပေါ့.........။


စံပယ် ရဲ့ မောင်

မြတ်နိုးခွင့်

♣♣♣ မောင့်ဘ၀ရဲ့ သိပ်ချစ်ခင်
မြတ်နိုးရပါသော
ရင်ထဲက စံပယ်
♣♣♣ ကိုယ်အတွက်တော့
သတိရခြင်း
တမ်းတခြင်း
လွမ်းရခြင်း
မျှော်လင့်ခြင်းတွေနဲ့
ကိုယ်ဘ၀ကမင်းပါ
♣♣♣ ဒီလိုမြတ်နိုးအချစ်ဆုံးဆိုတဲ့မင်းကို
တပါးရင်ခွင် အများအမြင်မှာ
မကြားမမြင်ပါဘဲ
ကိုယ်တစ်ယောက်ထဲကိုပဲ
မြတ်နိုးခွင့်ပေးပါကွာ.......။


စံပယ် ရဲ့ မောင်

မောင့်ဆန္ဒ

ပါးပြင်နုနု
ချွေးတွေစုလည်း....
မျက်ရည်ဥတို့ မဖုံးကြေး.....။
သနပ်ခါး မွှေးမြ
နေရောင်ကျလည်း....
နှုတ်ခမ်လှလှ မမဲ့ ကြေး.....။
လက်ဖ၀ါးနုနု
သွေးကြည်ဥလည်း....
လောကဓံကို မမှုကြေး.....။
ဖြေဖ၀ါးလှလှ
ဆူးတွေ ခ လည်း....
မျက်ရည် စ တို့ မကျကြေး....။
ဘ၀ အရေး
နွေးထွေးစရာ အကြင်နာနှင့်
ဖွေရှာအားမာန်
လောက ဒဏ်ကို
ခုခံရင်ဆိုင် တုယှဉ်ပြိုင်လျက်
နိုင်နိုင် ရှုံးရှုံး အတူပြုံးမယ်
မုန်းတယ်လို့လည်း မပြောကြေးနော်.....။

စံပယ် ရဲ့ မောင်

အဝေးရောက်ချစ်သူ

♥♥♥♥♥ နောင်တစ်ချိန်ချိန်မှာ မင်းနဲ့ ကိုယ်ဟာ
ပြန်ဆုံမယ်ဆိုရင် ခုဘ၀မှာ ဘယ်လောက်ပဲဝေးဝေး
ကိုယ်တစ်ယောက်သာ မင်းအတွက်ဖြစ်ပြီး
မင်းတစ်ယောက်သာ ကို့ အတွက်ဖြစ်စေမှာပါ
ကြင်နာသူရယ်.....
♥♥♥♥♥ ကိုယ် ရဲ့ အိမ်မက်ကမ္ဘာကို
လာလှည့်စားသူဟာ မင်းတစ်ယောက်ပါ
နေ့ ည ရှည်တာ ခွဲ ရက်များလည်း
ဝေးကွာပါငြား မင်းကိုသာလေ
အတမ်းတဆုံးပါ ♥♥♥စံပယ်♥♥♥ ရယ်......။

စံပယ် ရဲ့ မောင်

အဖြူရောင်ဆန္ဒတစ်စုံ

♥♥♥ အထင်မလွဲပါနဲ့
ရင်ထဲခဏ မြင်ကြည့်လေ
စာနာတတ်မယ် ဆိုရင်
ခံစားဖူးတဲ့ မင်းသိမှာပါ.....။
♥♥♥ အတုအယောင် တွေအတွက်
မလိုအပ်ပေမယ့်လဲ
စစ်မှန်တဲ့ ချစ်ခြင်းတွေမှာတော့
သ၀န်တိုခြင်းဆိုတာ
အရှိမဖြစ်တဲ့ သင်္ကေတတစ်ခုပါ.....။
♥♥♥ နှလုံးသားရဲ့ စေညွှန်ရာ
ဖြူစင်စွာ မြတ်နိုးမိခဲ့ပြီမို့
အချစ်ဦး မဖြစ်ရလဲနေပါစေ
အလွမ်းတွေ မဝေချင်တာမို့
နောက်ဆုံးအချစ်နဲ့ အချစ်ဆုံးတော့
ဖြစ်ခွင့်ပေးပါ ချစ်သူရယ်............။



စံပယ် ရဲ့ မောင်

ထာဝရ

ငါ့ရဲ့ မနက်ခင်းတိုင်းဟာ
မင်းကိုတွေ့ရမဲ့ မျှော်လင့်ချက်တွေနဲ့
အားသစ်တွေ ပေးခဲ့တယ်...
တစ်နာရီလောက် ဝေးရင်တောင်
လွမ်းဆွတ်ခြင်း ဗရပွနဲ့
တမ်းတနေ မိတယ်.....။
အတူဆုံချိန်တိုင်းမှာ
နာရီတွေကို ရပ်ထားချင်တဲ့
နှစ်ဦးသား ဆန္ဒ
ထပ်တူထပ်မျှပါပဲ.....။
အတိတ်မှာ ဘာတွေလုပ်လုပ်
မင်းအတွက် ၀မ်းနည်းမှုတွေ
မပါခဲ့ပါဘူး....။
ဒီအချိန်မှာ.....
အရမ်းချစ်တတ်သူ ငါကတော့
မျှော်လင့်ချက်လေးကို တမ်းတရင်း
ငါ့ချစ်သူမင်း အနားမှာ
ထာဝရ ရှိနေမှာပါ.................။


စံပယ် ရဲ့ မောင်

ပိုင်ရှင်

ငှက်တစ်ကောင်ရဲ့ အသက်ဟာ
အတောင်ပံတဲ့...
သမုဒ္ဒရာရဲ့ အနက်ဟာ
ရေတဲ့...
တောတောင်ရဲ့ အလှဟာ
စိမ်းစိုခြင်းတဲ့...
မောင့်ဘ၀ရဲ့ အနက်ဂတ်ကတော့
စံပယ်ပေါ့.........။


စံပယ် ရဲ့ မောင်

မျှော်လင့်ခြင်း

ရက်စက်စွာ ပိုင်ခြားထားတဲ့
ပင်လယ်ပြာနဲ့ တောင်တန်းများ
ဖြတ်ကျော်နိုင်တဲ့ စွမ်းအား
ငါ မပိုင်ပေမယ့်
နှလုံးသားက ပေးတဲ့အင်အား
မင်းကိုချစ်တဲ့ အချစ်များကြောင့်
တစ်ခုသော မနက်ဖြန်ကို မျှော်လင့်ရင်း
မင်းအတွက် ငါရင်ခုန်နေဦးမယ်...။

စံပယ် ရဲ့ မောင်

အလွမ်းသစ္စာ

လွမ်းရလွန်းလို့
သည်းကြွေပြုန်း
အပြုံးမပျက်
မမုန်းတစ်သက်
အဖျက်သစ္စာ
ဒီအကြင်နာကို
စံပယ်သိလျင်ပင်
မောင်ကျေနပ်ပါပြီ....။


စံပယ် ရဲ့ မောင်

ချစ်သူသို့အားပေခြင်း

မင်းမှာလဲ အတိက်ရှိသလို ငါ့မှာလဲ အတိက်နဲ့ပဲလေ...
လူဆိုတာ အတိက်မှာ ရပ်နေလို့မှ မရတာ
အနာဂတ်ဆီကို သွားတဲ့အခါမှာသာ
မင်းအနာဂတ်နဲ့ ငါ့အနာဂတ် တူညီနေဖို့ လိုတာပါကွာ

မင်းထိရှခဲ့တဲ့ ဒဏ်ရာတွေအတွက်
ငါ့စကားခွန်းရေတွေနဲ့ အနီးကပ်ပြုစုမယ်
ငါ့ကျဆုံးခဲ့တဲ့ မှတ်တိုင်တွေအတွက်
မင်း အရှေ့က လမ်းကူပြမယ်...

မင်းနဲ့ငါကြားမှာ
လေဟာနယ်တွေရှိမယ်...
ဒီဂျစ်တယ် ကိန်းဂဏန်းတွေ ရှိမယ်...
အသုံးချ နည်းပညာပစ္စည်းတွေနဲ့ များပြားလှတဲ့ မိုင်တွေ ရှိမယ်...

ကြိုးမဲ့ကိရိယာတွေက ဖြတ်သန်းလာတဲ့
မင်း အသံအက်ရှရှတွေရယ်...
စာလုံးလေးတွေထဲမှာ မျောပါလာတဲ့
မင်း အပြုံးပွင့်တွေရယ်...

အနားမှာ ရှိမနေပေမယ့်..
မင်း ရင်ခွင်မှာ ငါ ခိုဝင်တယ်...
အနားမှာ ရှိမနေပေမယ့်..
ငါ့ပုခုံးထက်မှာ မင်း မှီတွယ်တယ်..

ချစ်သူရယ်...
ယုံကြည်မှုအုတ်မြစ်ပေါ်မှာ
နားလည်မှုကို ကြားခံပြီးတော့
တွဲထားတဲ့ တို့နှစ်ယောက် လက်တွေ နွေးနေစေမယ် နော်။



စံပယ် ရဲ့ မောင်

ကြားခံ

ရင်ခွင်တစ်ခုလုံး ဗြောင်ဆန်သွားအောင် ခံစားခဲ့ရတဲ့
ဘ၀အစစ်တစ်ခုထဲမှာ
အသိညဏ်အားလုံးကို နှစ်မြှုပ်ထားရင်း
ဘ၀သစ်တစ်ခုကိုအရေခြုံလို့
ခြေအစုံမှာ ရပ်နိုင်ဘို့ကြိုးစား
ရိုးသားခြင်း သင်္ကေတတွေကို ၀ိုးတ၀ါးဖြစ်တဲ့အခါ
မှတ်မိနိုင်စွမ်းမရှိခဲ့တဲ့ ငါ့အိပ်မက်ဟောင်းတွေက
လမ်းထထလျှောက်ပြီး
ကိုယ်ထင်ပြကြတယ်....။

ကိုယ့်ကိုကိုယ်မယုံရဲလို့
နောက်ကြောင်းပြန်လှည့်ကြေး ဆိုပြီး
အတောင်းဘဲပေးဖြစ်ခဲ့ တဲ့ ဂတိတွေကြား
လူနဲ့ လူ မှန်လိုကြည့်ကြ
အပြုံး သင်ခန်းစာတွေက
နှုတ်ခမ်းပါးတွေပေါ်မှာ
သကာရည်တွေ ယစ်မူးပေကျံ နေရပြန်တယ်....။

မြေလွှာပြတ်ရွှေ့ မှု မရှိဘဲ လှုပ်ခက်ခဲ့တဲ့ ငလျင်
ဗဟိုပြုရာမဲ့ အင်းအားပြင်းမုန်းတိုင်းတစ်ခု
ရဲမာန်ဝင့် နေတဲ့ ကမ်းပါးမဲ့ မြစ်တစ်စင်း
အမြုတေဥခွံထဲ
ငါဆိုတာလည်း
နွံတောထဲကကြာတစ်ပွင့်....။

ပိတ်ကားပြင်ထက်က
ဘ၀တု ဇာတ်ရုပ်မှာ နစ်မျောခံစား
အပိုချိန်မထားခဲ့ တဲ့ မျက်ရည်
ရင်နစ်စရာ ကိုယ့်ဘ၀
အကျဉ်းထဲ အကျပ်ထဲရောက်မှ
ငါ့ဒုက္ခ မျက်ရည်စက်တို့ ခမ်းခြောက်နေရပေါ့....။

ငါနဲ့ ငါသာ အကြုံးဝင်တဲ့
စကေးကိုက်မဟုတ်တဲ့ ငါ့ အမှန်တရားမှာ
ကိုယ့်ပုံရိပ်နဲ့ ကို ယုံကြည်မှုလွဲမှား
အလယ်ကြားက ကြည့်မှန်တစ်ချပ်
ပြဒါးကို အကြောင်းပြ
ခဏခဏ
ရိုက်ခွဲခံရရှာတယ်..............။


.........ဘဝ...........၉ - ၃ - ၁၀

ကဝေပျိုမလေးရဲ့  ခုနစ်ထွေအက

ရင်ခွင်ဗုံတီးသံတွေ ကောင်းကင်ထက်မှာ
ပျံ့ လွင့်နေတယ်...
ကြာသံနဲ့ ကူနေတဲ့  ဂျိုးဌက်လေးတွေကူသံနဲ့ အတူ
အိပ်မက်ခွာသံတွေ ရောနှောနေတဲ့ ဂမ္ဘီရတောထဲမှာ
ခပ်စိမ်းစိမ်းတိုက်ခိုက်လာတဲ့ စောင်းသံလေးဟာ
အတိတ်ကမြူကျချိန်ကို ပြန်လွမ်းစေမိတယ်....
တနလာင်္ထောင့်က မွန်းတည့်ချိန်မှာ
ဆုတောင်းဘူးတဲ့ ၀ိဥာဉ်စိတ်ကူးတွေ
မှတ်တိုင်အရောက်မှာ မီးရှို့ ပြာချခြင်းကိုခံခဲ့ရပါလား....
သနပ်ခါးပါးကွက်ကြားလေးနဲ့  တမျိုးလှပနေတဲ့
ကဝေပျိုမလေးတစ်ယောက်ဆီက နူးညံ့တဲ့
အနမ်းတစုံရဖို့  ဆောင်းနေ့ ရက်တွေကို
ခုတ်ထွင်ရှင်းလင်းလို့  မေတ္တာအိမ်လေးတည်ဆောက်တော့မယ်.....
လွမ်းပါတယ်ဆိုတဲ့ စကား
ချစ်ပါတယ်ဆိုတဲ့ ဒီစကား
မြို့ ပြထက်က မီးရောင်ထက်တော့ မလင်းလက်နိူင်ပါဘူး...
အမှတ်စဉ်မတပ်ရသေးတဲ့ မြေကြီးပေါ်က
သစ်ရွက်လေးတွေထဲမှာ ရှင်သန်ဖို့ ဇာတာ
ပျောက်ဆုံးနေပြီ..
ဟိုတနေ့ ကပေါ့ .... အိပ်မက်ရာဇ၀င်ထဲမှာ
ကြိုးမိန့် ပေးပြီးတော့ ငါ့ကိုယ်ငါဝတ်ဆင်ခဲ့ရတဲ့
သေမိန့် နေ့ ကို ငါ့ရင်ဘတ်ထဲမှာ သော့ခတ်လိုက်ရပါလား....
မိုးစက်လေးတွေ တဖွဲဖွဲရွာကျနေပါလား
အမေ့ရဲ့  သားချော့တေးလေးလဲ
တိုးညှင်းစွာနဲ့  ဆိုညဉ်းနေတယ်...
ပုပ်သိုးနေတဲ့ ပန်းသီးတလုံးကို မြိန်ယှက်စွာစားသုံးရင်း
နွေညအလွမ်းတွေကို ကန်ရေပြင်ထဲမျှောချခဲ့ရတဲ့
နေ့ တွေများလွန်းနေတယ်......(ကဝေပျိုမလေးရေ..)
မနက်ခင်းကို ကော်ဖီခွက်ထဲထည့်မွှေလို့ 
ဖက်ကြမ်းတလိပ်ကို အဖော်လုပ်ခဲ့ရတဲ့နေ့ တိုင်းမှာ
အသင်မိန်းမပျို......
သင်ကတော့...... ရင်ဘတ်ဗုံကိုတီးပြီး
ခုနစ်ထွေအကနဲ့ အတူ လေချွန်နေတယ်.....
စံပယ်ကုံးလေးတွေ ဆံနွယ်ထက်မှာ ခြောက်သွေ့ စွာနဲ့ 
ကပိုကရိုလေး ကကျနေတဲ့ပုံစံလေးက
ကြေးနီရောင်တက်နေတဲ့ နေ့ ရက်လေးကို
အင်ပါယာတည်ဆောက်သွားတယ်...

ယဉ်ကျေးမှူနဲ့ ဖက်တွယ်ခဲ့တဲ့
နှာမှူတ်သံနဲ့ အတူ သံယောဇဉ်တီးလုံးတွေ
ရောယှက်ခဲ့တာ စစ်ဘုရင်စစ်ထွက်တိုက်မယ့်စစ်ချီတေးနဲ့ 
အပြိုင်ပါလား.....

တကယ်တော့ကျနော်ဟာ
မမက်သင့်တဲ့အိပ်မက်ရှည်ထဲမှာ လမ်းထလျှောက်နေတဲ့
လူတယောက်ဖြစ်နေတာ နည်းနည်းကြာသွားတယ်....

ဇေယျာ

နေကြာပန်းပွင့်လေးထဲက ပန်းသီးတလုံး

မနေ့ က အိပ်မက်လှေထဲမှာ
မျောနေတုန်း....
ပြတင်းပေါက်တံခါးလေးကြားကနေ အတင်းဖောက်ထွက်လာတဲ့
အလင်းလေးတခု မျက်စိထဲမှာ
စူးတူးတူးဖြစ်စေတယ်.........
လက်ရှိဖြစ်ပေါ်နေတဲ့ ဗိုင်းရပ်(စ်)ပိုးတွေထဲမှာ
အဆိုးဆုံးပိုးတွေ (ငါ့)ကိုယ်မှာ
ကပ်တွယ်လို့ လိုက်ပါလာပါလား
ချဉ်စော်နံနေတဲ့ထမင်းတခွက်ကို
(ငါ)တမ်းတမက်မောမိတာအမှန်ပါ....
သေလို့ ကောင်းတဲ့ ကြမ်းပြင်ထက်က
ပိတ်ဖြူလွှာလေးတချပ်ပေါ်မှာ
မောဟဒေါသလေးတွေ ဖြေလျော့ပျောက်ကွယ်ဖို့ 
(ငါ)အိပ်သင့်ပြီ....
ရောက်ရှိနေတဲ့ကမ္ဘာက အဆုံးမသတ်နိူင်တဲ့
ဘုံဗိမ္မာန်....
မေမေပြောတဲ့ ငယ်ငယ်ကပုံပြင်လေးတပုဒ်
(ငါ)ခုချိန်မှာ ပြန်နားထောင်ချင်မိတာအမှန်ပါ
လူငယ်လူရွယ်ဖြစ်ပေါ်တက်တဲ့
နှလုံးသားရေးရာမှာ ဗျုဟာမခင်းနိူင်ဘဲ
အရှုံးလက်မဲ့နဲ့  ကျွေးကျွန်ဘ၀ကို
(ငါ)ရောက်ရှိလာခဲ့တယ်....
ဆူးလေမှတ်တိုင်အလွန် ညတွေမှာ
ပုတီးစိတ်ပြီး တရားထိုင်မယ်ဆို
(ငါ့)စိတ်တွေယောက်ယက်ခက်စွာနဲ့  မိုးသားနတ်မင်းကြီးကို
မှတ်ကျောက်တိုင်ခင်းမှာ .....(အမှန်ပါ)
ဝါးနေတဲ့ကွမ်းတယာ....
( 92 )ဖာလာ ထုံး ကွမ်းသီးရောထားပေမယ့်
ဝါးနေတဲ့ ပါးစပ်ထဲမှာ ပေါက်ကျန်စေတာ
ထုံးအရသာတခု ကြောင့် (ငါ) နှစ်ခြိုက်မိနေတာလေ.....
တခါတလေဆို
ခပ်နွမ်းနွမ်းအင်္ကျီလေးထဲက " ဘ၀ " ဆိုတာလေးကို
ဖက်တွယ်လို့  တနလာင်္ထောင့်မှာ
ဆုတောင်းနေမိတာ (ငါ)မသိပါလား....
ဇာတ်ဆရာအလိုကျ က နေတဲ့
ပြဇာတ်တပုဒ်မှာ လူကြမ်းမင်းသားလုပ်ဖို့ အတွက်
ဖတ်လိုက်ရတဲ့ ဇာတ်ကြမ်းစာအုပ်တွေဖတ်ရလွန်းလို့ 
ဖ၀ါးနူနူမှာ သွေးချေလေးတွေဥရပြီပေါ့....
ဘာမှန်းမသိသေးတဲ့ အရွယ်တုန်းက
ဝတ်ခဲ့ရတဲ့ အင်္ကျီဖြူလေး
ခုချိန်မှာ လိုချင်တပ်မက်မိတာ (ငါ)မှားလား
(ငါ)သင်ခဲ့ရတဲ့ သချာင်္ပု စ္ဆာတိုင်းမှာ
အဖြေဆိုတာ ထွက်လာပေမယ့်
" ဘ၀ " ဆိုတဲ့ ပု စ္ဆာတပုဒ်မှာ အဖြေက (မှန်)လား (မှား)လားဆိုတာ
ငါမသိနိူင်ခဲ့ဘူး.......
ပါးပြင်ထက်မှာ စီးကရက်နံ့ တွေစွဲကျန်နေတဲ့
ပါးပြင်ကိုမှ နှစ်ခြိုက်မိသူ (အပြစ်)လို့ မဆိုနိူင်ဘူး
ဟိုးအဝေးမှာကြည့်စမ်း.....
သစ်ရွက်လေးတွေ လေထဲမှာဝဲလို့ .....
ကောင်းကင်ပေါ်က ဌက်လေးတွေလဲအိပ်တန်းပြန်လို့ 
လောကကြီးက သာယာလိုက်တာဗျာ....
နာရီလက်တံအဟောင်းတွေ ခုန်ဆွခုန်ဆွဖြစ်နေကြပြီ
တယောအိုတလက်နဲ့  သံသရာရထားကြီးကို
စီးနှင်းရင်းနဲ့  ကျောပြင်ထက်က
ပြက္ခဒိန်နေ့ ရက်တွေ အသက်ဝင်လာပြီပေါ့....
အိတ်ထဲမှာ ပိုလျှံနေတဲ့
မြူတွေ (ငါ့)အတွက်ချစ်သောမွေးဖွားခြင်းတွေကို
သယ်ဆောင်နိူင်ပါတယ်....................။


ဇေယျာ

ပြိတ္တာဘုံမှ ကျွန်မ

မြင့်မိုရ်တောင်ဦး မကကျူးသား"
အစချီလို့ သင်ခဲ့ဘူးတယ် အနန္တဂိုဏ်းဝင် ကျေးဇူးရှင်
အစွန်းရောက် အလျှော့မပေးချင်သော လူသားနှစ်ဦး
မာနပြိုင်ပွဲမှာ ဓါးစာခံဖြစ်သွားတဲ့"ငါ"

ပူနေဆဲ ပါးနှစ်ဘက် အရာကျန်နေသေးတယ်
ငါရခဲ့တဲ့ အမွေမို့ မေ့လို့မရဘူး။
မကြားဝံ့ မနာသာ စကားစုထက်ထက်တွေက
ငါ့ဘဝရဲ့ ငြိမ့်ညောင်းဆုံး ချော့မြူသံတဲ့!!!!!

"ဆွေမျိုး"ဆိုတာလာမပြောနဲ့
ငါဦး(အုန်း)စားတယ်
အပင်လိမ်တွေများတဲ့ ပညတ်ချက်များ
မှတ်ထား "ငါ"ဆိုတာတကိုယ်တည်းသမား

အဆုံးမမြင်တဲ့ လမ်းကိုလျှောက်နေရင်း
နောက်ဆုံးဂိတ်ပေါက် လက်မှတ်ဖျောက်လိုက်ပြီ
ပြန်လှည့်ဖို့လမ်းမရှိတော့ဘူး

ဇွတ်ဆက်တိုးမယ် ငါ့အိမ်မက်လမ်း
မကူညီချင်နေပါ ကျေးဇူးပြု၍ မနှောင့်ယှက်ပါနဲ့
သာသာနာနာထိုးနေတဲ့ လေတိုးသံတွေ
ဟိုဘက်ကဝင် ဒီဘက်ကပြန်ထွက်သွားတယ်
ဆိုးပေလို့ထင်ရင် တောင်းပန်ပါတယ်

သံယောဇဉ်လဲ အမျှင်မတန်းတော့ဘူး
မုဒိတာလဲ မပွားနိုင်တော့ဘူး
ဥပေက္ခာနဲ့ သွားရတော့မယ်
ငါ့အတွက် ကျောက်စရစ်နဲ့လမ်း

လူရှေ့မှာ အားနဲ့ပြုံး
နောက်ကွယ်မှာ ရုန်းလို့မရတဲ့ အပြင်းစားအမုန်းတွေကြောင့်
ကိုယ့်ကိုကိုယ် သတိထားမိတယ်
သြော် ပြိတ္တာဘုံရောက်နေပါရော့လား

ကလောင်ထမ်းလို့ ဖွင့်ချမိတယ်
ငါမှားတယ်လို့ လုံးဝမထင်ဘူး
နောက်ဘဝဆိုတာရှိခဲ့ရင်
ချစ်ခြင်းတရားမှ ပေါက်ဖွားရပါလို၏။



(backy)

သတိုးသား(လက်ထပ်ရန်မဟုတ်)

လွင်နေတဲ့အကြည့်အသိနောက်မှာပါလာတာက ညီမျှခြင်းအဘိဓာန်
တကယ်တော့....
ငါဟာ တာယာပါ
နီစွေတဲ့ ဖ၀ါးဖြူဖြူနဲ့ ရင်ခြင်းမအပ်သင့်သူပေါ့.....


ကပ်ငြိနေတဲ့ ရင်ထဲကဒဏ်ရာ
သွက်သွက်ခါအောင်နာဖူးလို့
ဂုဏ်ဒြပ်ဆိုတာ မခွဲပါဘူး လိုအပ်နေတာ ကြင်နာခြင်းစစ်စစ်
အဘိဓမ္မာတရားဆိုတာ ဘောင်ထဲက စာ...


မလိုအပ်ပါဘူး သာယာအောင်ပြောတတ်ဖို့
ကတ္တီပါလမ်းခင်းလို့ လူမြင်အောင် နုပြစရာ ငါ့အကန့်မှာ မပါပါဘူး
ထောင့်ဖြတ်တွေများတယ် တီးတိုးတောင့်တနေကြတဲ့ ရိုမန်းတစ်
ဖြစ်နိုင်ရင် စိတ်ကူးယဉ်သူများနဲ့ဝေးရာကို ခေါ်သွားချင်တယ်
ငါချစ်တာ ဖိုးသခွားလေးကိုပါ...........

ကန့်လန့်တိုက်ပါတ်လျှောက်လာတဲ့ ငါ့ရဲ့လမ်း
ကြီးကျယ်သောခန်းမဆောင်ကို ဦးတည်မထားဘူး
မင်းသာယာတဲ့လမ်းကို ဆူးရှင်းပေးယုံသက်သက်.....

အားမနာနဲ့ချစ်သူ ငါနားလည်တယ်
ပြောင်းလဲခြင်းနိယာမ
တကယ်ဆိုငါဟာ ကန္တာရက ညောင်ညိုပင်
မင်းအပြုံးလေးမြဲနေမယ်ဆို ဟောဒိရင်က
ပေးဆပ်မှုနဲ့ ရှင်သန်ချင်ဆဲ...............

သေချာပါတယ် စကားလုံးမလိုဘူး
ရင်ဘတ်ထဲက ကလီစာကိုနားလည်တယ်
တကယ်ဆိုနင်ဟာ ငါ့ရဲ့သတို့သား....................


(backy)

ချစ် သူ

မင်း သ ဘော နဲ့ မင်းတံ ခါး မ ခေါက် ဘဲ


ငါ့ ဘ ၀ ထဲ ကို

အ တင်း ၀င် ရောက် ခဲ့ ပြီး မှ

စည်း ဖောက် ထွက် ပြေး ဟို အ ဝေး ကို


ဖြူ စင် တဲ့ နှ လုံး သား

ဒဏ် ရာ များ စွာ နှင့် ထိတ် လန့် သွေး ပျက်ေ အး စ က် ခဲ့ ဖူး တ ယ်


>>> ချစ် သူ <<<

နှုတ် မ ဆက် ဘဲ

ရုတ် တ ရက် ထွက် ခွာရက် များ စွာ ကြာ ပြီး မှ


ပိတ် ထား တဲ့ တံ ခါး တွန်း ဖွင့် ဖို့ ကြိုး စား တ ကယ် ဆို တ ရား သ လား ဟင်


ဒဏ် ရာ များ နှင့် နှ လုံး သား

အ တေး အ မှတ် မထား ခဲ့ ပေ မယ့်


ခံ စား မှု အ သစ် နှင့်

အ ကြင် နာ အ စစ် ( ရင် မှာ )

ထပ် မ ဖြစ် နိူင် တော့ လို့ ရင် နာ စွာ နှင့် ငြင်း


ဒီ တစ် သက် လုံး `` ဟင့် အင်း ´´ ပဲ ကွယ်

ချစ်နန်း

ပြခန်းမတင်ဖြစ်ခဲ့သော နှလုံးသား တခု ရဲ့ လွမ်းချင်း

အမှတ်မထင် ဆုံခဲ့ရတဲ့ချစ်သူ

မင်းရဲ့ အကြည့်တချက်နဲ့အတူ

ချိုသာ အေးမြတဲ့ အသံချိုချိုလေးရယ်

စူးရှနက်ရှိုင်း ခဲ့တဲ့ စကားလုံးတွေကြောင့်

မခိုင့်တခိုင် ဖြစ်နေတဲ့ ငါ့နှလုံးသားက

ရင်ခုန်သံတချက်မှာ ယိုင်နွဲ့ လို့ပါခဲ့ပေါ့။။။။



ခဏတာ ဆိုတဲ့ အချိန်တိုလေး အတွင်းမှာ

မင်းရဲ့ ယုယကြင်နာမှု့ တွေကြောင့်

ရစ်မှုးစွာ ဒီနှလုံးသားက

တိတ်တခိုး ချစ်ခဲ့ရသူပါကွယ်။။။။



သံယောဇဉ် အခြေမခိုင်သူမို့

အပေါ်ယံ စကားချို တွေနဲ့တော့

ဒဏ်ရာတွေ မပေးခဲ့ပါနဲ့လား။။။။



ဒါပေမယ့်............

မင်းပေးခဲ့တဲ့ ရင်ခုန်သံ လှုပ်ခက်ခြင်းတွေဟာ

ငါ့အတွက် အမှတ်တရ မို့

ရင်တခုလုံးကွဲကျေသွားပါစေ

မင်းအတွက်ရင်ခုန်ခြင်းတွေ အတွက်

မြတ်နိုးစွာထာဝရ

သိမ်းဆည်း ထာလိုက်ပါတော့မယ်

အဝေးတနေရာမှ..................ချစ်သူရယ်



လတ် ...... ၅-၂-၁၀

ငါ့ ရင်နဲ့ ရေးတဲ့ ကြယ်တေး

သိရဲ့ လားမိကြယ်ဖြူ.....
ငါ့ ရဲ့ စကြာဝဋ္ဌာမျက်ခမ်းစပ်မှာ
နင့် ရဲ့ မှုန်ပြပြအလင်းနဲ့ ထွန်းညှိ
နင်ဟာ ငါ့ ရဲ့ အဆုံးစွန်သော..အလင်္ကာတေးတစ်ပုဒ်ဖြစ်တယ်...
နင်သိမှသိပါလေစ.....
ဖျတ်ခနဲ နင့်မျက်ဝန်းမှာ.. ငါဘယ်လိုမှမီးထွန်းရှာမရတဲ့ ...
ပဟေဋ္ဌိပေါင်းများစွာ..ရစ်ဖွဲ့ နှောင်တွဲ့ ...
ငါ့ ရင်ဟာ.. နင့် အသံနဲ့ တုန်ခါခဲ့ နေတယ်



မပြောခင်ကတည်းကသိနေပြီးသား
မဆွတ်ခင်ကတည်းက ညွှတ်နေပြီးသား
မကြွေခင်ကတည်းက ကြွေနေပြီးဖြစ်တဲ့
ကြယ်စင်တစ်ပွင့်ပါ..
နှလုံးသားက တံခါးကို ခပ်ဖြည်းဖြည်း ၀င်ခေါက်ပြီး...
ခပ်ပြေးပြေး ထွက်ခွာသွားပြီးနောက်
နင့် အလင်းတန်းတွေကျန်ရစ်...
ငါ့နှလုံးသွေးတွေနဲ့..လှိုက်လှိုက်မော....
တုန်ခါ.....နေတဲ့ အသံ...
နှုတ်ခမ်းဝမှာ .....တိုး.........တိတ်......ဆွံ့.....အ..လို့
ငါဟာ တစ်ကယ်တော့ နင့် အတွက်ကြယ်မှုန်ကြယ်မွှားလေးပါ



နင့် ထံမှအလင်းဟာ
ဘယ်လို မှခွင်းမရတဲ့ အမှောင်နက်နက်မှာ
အရောင်တွေ လက်လို့ ပေါ့ 
သိရဲ့ လားမိကြယ်ဖြူ
ငါ့ ရင်နဲ့ ရေးတဲ့ တေးဟာ နင့် အတွက်ဖြစ်လေရဲ့ 
နင့် ရဲ့ အလှနဲ့ ငါ့ ညဟာ
အနက်ရောင်ကတ္တီပါထဲ မှာ လက်ခမောင်းခတ်
နင်ဟာ ငါ့ အတွက်...ဘာနဲ့ မှမှတ်မရတဲ့ 
အက္ခရာ တစ်လုံးဖြစ်လေရဲ့ 



အမှောင်နက်တွေထဲမှာ ခွင်း မရတဲ့ အလင်းဆိုပေမဲ့
ငါကိုယ်တိုင် ဖန်တီး ယူထားလို့ မရနိုင်တဲ့အလင်းရောင်လေးပါ
ရင်ခွင်က တေး...နှလုံးသွေးတွေနဲ့အတူ စီးမျောရင်း ဖြစ်ပေါ်လာခဲ့တယ်ဆိုတာကိုရော
နင် မသိလေရော့ သလား....
အလှနဲ့ ည
ညနဲ့အလှ...
ယှဉ်တွဲတည်ရှိနေတတ်တဲ့အရာတွေပဲ...
အဲ့ဒီ အလှ ...
အဲ့ဒီည..တွေမှာ....
လွင့်မျောနေမိတဲ့သူသာလျှင်..အပြစ်ရှိတယ်ထင်ပါ့...
နင်အတွက် ငါ...ဆိုတဲ့ကြယ်တစ်ပွင့်...ဘာမှ မှတ်မရတဲ့ အက္ခရာပေါ့..
ငါ့အတွက်တော့ နင်ကိုယ်တိုင်ကသာ
နှလုံးသားမှတ်တိုင်မှာ ဖျက်မရတဲ့ အက္ခရာ....


မကြွေပါနဲ့ မိကြယ်ဖြူ
ငါ့ ရဲ့ ခြောက်သွေ့ ကွဲအက်တဲ့ နေ့ ရက်တွေကို
ငါနောက်တစ်ခါပြန်မမြင်မက်ချင်တော့ ဘူး
နင့် လက်ရယ် ငါ့ လက်ရယ်
နင့် အိမ်မက်ရယ် ငါ့ အိမ်မက်ရယ်
အားလုံးပြည့် စုံပြီကွယ်
နင်ရယ်ငါရယ် မိုင်တိုင်တွေများစွာကိုဖြတ်လျှောက်ကြမယ်
ပန်းမြို့ တော်မှာ တစ်ရေးအိပ်စက်ကြမယ်
နှင်းတွေပွင့် တဲ့ သောကြာနေ့ တွေမှာ
ခရေပန်းတွေကောက်ကြမယ်
ငါ တို့ နှစ်ယောက်ရဲ့ မနက်တွေမှာ
ရွှေအိုရောင်တွေဖြန်းပက်လို့ ...ခရမ်းရောင်အိမ်မက်တွေကို
အပြီးတိုင် ...သတ်ပစ်လိုက်ကြမယ်ကွယ်



အားမငယ်ပါဘူး...
နင့်လက်တွေကို ဆုပ်ကိုင်တိုင်း..
စိတ်မပျက်မိဘူး...
ငါတို့ နာကျင်မှုတွေကြုံတိုင်း...
ငါဆိုတဲ့ ကြယ်ဖြူ.....အလင်းရောင်တွေ မဲ့ပါစေ..
နင် ..ဘေးနားမှာ ရှိချိန်ခဏ...
ထာဝရ အလင်းရောင်တွေကို ငါရရှိနေမှာပါ..
ဘယ်သူတွေ ဘယ်လိုတိုက်ခိုက်မလဲ
နင့်လက်ကိုဆုပ်ကိုင်လို့...နင်ခေါ်မဲ့ ပန်းမြို့တော်မှာ
နင်နဲ့ အတူ...ပျော်မြူးပါရစေ...
နှင်းပွင့်ဝေနေတဲ့ နံနက်ခင်းတွေတိုင်းမှာ နင်ရှိနေသလို...
မြူနှင်းတွေဝေနေတဲ့ ဒီဇင်ဘာဆောင်းညတွေမှာလည်း
နင့်ဘေးမှာ လင်းလက်နေခွင့်တော့ ပေး.......
မနက်ဖြန်တိုင်း ရွှေအိုရောင်မတောက်ပနိုင်တော့ရင်လည်း...
နင့်ဘေးနားမှာ ရှိနေပါရစေ...
ငါတို့တွဲခဲ့တဲ့လက် ထာဝရအထိခိုင်မြဲနေပါရစေ...
ငါ....ကြယ်ဖြူ တစ်ပွင့် နင့် အတွက် အမြဲ လင်းလက်တောက်ပနေမယ်ဆိုတာ နင်ယုံ..
ဘယ်တော့မှ မှေးမှိန်ခြင်းတွေ မရှိတဲ့ အလင်းရောင်နဲ့ပေါ့..
ကမ္ဘာဆုံးတိုင်...တွဲလက်မဖြုတ်မစမ်း...
နင်နဲ့...ငါနဲ့................................။ ။




ရင်ခွင်ရှိန်း + ထာဝရကြယ်ဖြူ


၂၀ - ၁ - ၂၀၁၀